ભારત સંચાર નિગમ લિમિટેડ (BSNL) એ તાજેતરમાં ત્રણ નવા પ્રી-પેડ પ્લાન લૉન્ચ કર્યા બાદ કંપનીએ તેના ઘણા પ્રી-પેડ પ્લાનને એકસાથે મોંઘા કરી દીધા છે, ટેલિકોમટૉકે સૌથી પહેલા આ જાણકારી આપી છે.
BSNLના 99 રૂપિયાના પ્રી-પેડ પ્લાનમાં પહેલા અમર્યાદિત કોલિંગની સાથે 22 દિવસની વેલિડિટી મળતી હતી પરંતુ હવે આ પ્લાનની વેલિડિટી 18 દિવસની થઈ ગઈ છે એટલે કે તમે વેલિડિટીના સંદર્ભમાં 4 દિવસ ગુમાવશો. અન્ય તમામ સુવિધાઓ પહેલાની જેમ જ મળતી રહેશે.
BSNLના 118 રૂપિયાના પ્લાનમાં દરરોજ 500 MB ડેટા મળે છે. આ પ્લાનમાં અનલિમિટેડ કોલિંગ પણ ઉપલબ્ધ છે. હવે નવા ફેરફારમાં આ પ્લાનની વેલિડિટી 20 દિવસની થઈ ગઈ છે, જે પહેલા 26 દિવસની હતી. સરળ શબ્દોમાં કહીએ તો, આ પ્લાનની કિંમતમાં પણ લગભગ 4.53 રૂપિયાનો વધારો થયો છે.
BSNLનો 319 રૂપિયાનો પ્લાન 75 દિવસની વેલિડિટી સાથે આવતો હતો. આ પ્લાનમાં અનલિમિટેડ કોલિંગ સાથે દરરોજ 300 SMS અને 10 GB ડેટા મળે છે. હવે આ પ્લાનની વેલિડિટી 65 દિવસની થઈ ગઈ છે. મતલબ કે આ પ્લાન પણ લગભગ 4.25 રૂપિયા મોંઘો થઈ ગયો છે.
