રાજધાની દિલ્હીમાં ફરી એકવાર જામિયા વિસ્તારમાં ફાયરિંગનાં સમાચાર સામે આવ્યા છે. પ્રાપ્ત માહિતી અનુસાર, જામિયા મીલીયા ઇસ્લામીયા યુનિવર્સિટીનાં ગેટ નંબર પાંચ ઉપર એક વ્યક્તિ દ્વારા ફાયરિંગ કર્યાનાં સમાચાર પ્રકાશમાં આવ્યા છે. વળી, ફાયરિંગની ઘટના બાદ લોકોનો ગુસ્સો ફરી રસ્તાઓ પર જોવા મળ્યો હતો, વિદ્યાર્થીઓ અને અન્ય લોકોએ વિરોધ શરૂ કરી દીધો છે. જણાવી દઇએ કે દિલ્હીમાં એક અઠવાડિયામાં જ ફાયરિંગની આ બીજી ઘટના બની છે, જેનાથી માહોલ હવે ગંભીર બન્યો છે.
જામિયાનાં વિદ્યાર્થીઓ નાગરિકતા સુધારો અધિનિયમ અંગે સતત વિરોધ કરી રહ્યા છે. પ્રદર્શન ઘણીવાર હિંસક સ્વરૂપ ધારણ કરી ચૂક્યુ છે. ત્યારે રવિવારે મોડી સાંજે બે સ્કૂટી સવારોએ અહી ફાયરિંગ કર્યું હતું. જેમની સ્કૂટીનો નંબર 1534 છે. જામિયાની આસપાસનાં લોકો હવે ધીમે ધીમે એકત્રીત થવાના શરૂ થઈ ગયા છે. જામિયા મીલીયા ઇસ્લામીયા યુનિવર્સિટીનાં ગેટ નંબર 5 નજીક ફાયરિંગની ઘટના સામે આવી છે.