આખી દુનિયામાં સૌથી વધારે બાળકોના જન્મ ભારતમાં થયા હતા. ત્યાર પછી ચીન (46,299), નાઈજિરિયા (26,039), પાકિસ્તાન (16,787), ઈન્ડોનેશિયા (13,020) અને અમેરિકા (10,452)નો સમાવેશ થાય છે.
યુનિસેફે બુધવારે આ આંકડા રીલીઝ કર્યા હતા. નવા વર્ષના દિવસે આખી દુનિયામાં 3,92,078 બાળકો જન્મ્યા હતા. તેમાંથી 17 ટકા ભારતના છે. યુનિસેફના અંદાજે પેસિફિકના ફિજીમાં દુનિયાનું 2020નું પહેલું બાળક જન્મ્યું હોવાની શક્યતા છે. અમેરિકામાં આ દિવસનું છેલ્લું બાળક જનમ્યું હોવાની સંભાવના છે. દરેક જાન્યુઆરીએ યુનિસેફ ન્યુ યરના દિવસે જન્મેલા બાળકોનો જન્મ દિવસ ઉજવે છે. આખી દુનિયામાં આ દિવસને બાળકના જન્મ માટે શુભ માનવામાં આવે છે. ઉલ્લેખનીય છે કે યુનિસેફ એ સંયુક્ત રાષ્ટ્રસંઘની બાળકોના વિકાસ માટે કામ કરતી સંસ્થા છે.
જો કે એક અધિકારીનું જણાવ્યું હતું કે દુનિયાના લાખો બાળકો માટે તેમના જન્મનો દિવસ શુભ નથી પણ નીવડતો. 2018માં યુનિસેફે એક સ્ટેટમેન્ટમાં કહ્યું હતું કે 25 લાખ બાળકો જન્મના પહેલા જ મહિનામાં મૃત્યુ પામે છે. તેમાંથી 33 ટકા બાળકો તો પહેલા જ દિવસે મૃત્યુ પામે છે. આમાંથી મોટા ભાગના બાળકો પ્રિમેચ્યોર જન્મ, ડિલીવરી દરમિયાન કોમ્પ્લિકેશન, સેપ્સિસ જેવા ઈન્ફેક્શનને કારણે મૃત્યુ પામે છે. આ ઉપરાંત દુનિયામાં 25 લાખથી વધુ બાળકો દર વર્ષે મૃત જન્મે છે.
છેલ્લા ત્રણ દાયકામાં જો કે બાળકોને જીવાડવાનો દર નોંધપાત્ર રીતે વધ્યો છે. પહેલા પાંચમા જન્મ દિવસ પહેલા જેટલા બાળકો મોતને ભેટતા હતા તેમની સંખ્યા હવે ઘટીને અડધી થઈ ગઈ છે. પરંતુ નવજાત બાળકોને બચાવવાની પ્રક્રિયા થોડી ધીમી પડી ગઈ છે. 2018માં કુલ બાળકોના મોતમાંથી જન્મના પહેલા મહિનામાં મૃત્યુ પામેલા બાળકોની સંખ્યા 47 ટકા હતી જે 1990માં 47 ટકા હતી. એટલે કે આ મોરચે આપણું પ્રદર્શન કથળ્યું છે.