મધ્યપ્રદેશના પાટનગર ભોપાલમાં એક પ્રાઇવેટ હોસ્પિટલના ડોક્ટરોએ કમાલનું કામ કર્યું છે. અહીં એક યુવતીના પેટમાંથી 16 કિલોગ્રામનું ટ્યૂમર બહાર કાઢવામાં આવ્યું છે. ડોક્ટરોએ રવિવારે 6 કલાકની સર્જરી પછી 20 વર્ષની યુવતીના પેટમાંથી 16 કિલોગ્રામનું ટ્યૂમર કાઢવામાં આવ્યું હતું.હોસ્પિટલના મેનેજર દેવેન્દ્ર ચંદોલિયાએ જણાવ્યું કે યુવતીની ઓવરી પાસે ટ્યૂમર હતું અને સર્જરી સફળ રહી હતી. યુવતીની સ્થિતિ હવે સારી છે. તેમણે વધુમાં જણાવ્યું હતું કે યુવતી મધ્યપ્રદેશના રાજગઢમાં રહે છે અને બે દિવસ પહેલાં તે હોસ્પિટલ આવી હતી. તેનું ટ્યૂમર ખૂબ જ મોટું હતું અને તેને ભોજન કરવામાં અને ચાલવામાં મુશ્કેલી થતી હતી. આ ટ્યુમરને ડિમ્બગ્રંથિ ટ્યુમર તરીકે ઓળખવામાં આવે છે. યુવતીનું વજન 48 કિલો અને ટ્યૂમરનું વજન 16 કિલો હતું.
