ટેક્સ ચૂકવનારાઓ માટે રાહતના સમાચાર, રિટર્ન ભરવાની તારીખ નવેમ્બર સુધી લંબાવાઈ

સરકારે આવક રિટર્ન દાખલ કરવાની સમયસીમા વધારી દીધી છે. ઈનકમ ટેક્સ વિભાગે બુધવારે આ અંગે નોટિસ જાહેર કરી કહ્યું છે કે, નાણાકીય વર્ષ 2019-20 માટે ઈન્કમ ટેક્સ રિટર્ન દાખલ કરવાની અંતિમ તારીખ વધારીને 30 નવેમ્બર 2020 કરી નાખી છે. તો વળી નાણકીય વર્ષ 2018-19 માટે રિટર્ન ફાઈલ કરવાની તારીખ વધારીને 31 જૂલાઈ કરી છે.

આ ઉપરાંત સરકારે પાન-આધાર લિંક કરવાની તારીખને પણ આગળ વધારીને 31 માર્ચ 2021 કરી દીધી છે. આવક વિભાગે આ સાથે જ નાના અને મધ્યમ કરદાતા કે, જેની સેલ્ફ અસેસમેંટ ટેક્સની દેવાદારી 1 લાખ રૂપિયાથી ઓછી છે અને તેમના માટે ટેક્સ પેમેંટની તારીખ 30 નવેમ્બર 2020 કરી દીધી છે.

તો વળી 1 લાખથી વધારે ચુકવણી માટે ડેડલાઈનમાં કોઈ ફેરફાર કરવામાં આવ્યો નથી. આવક વિભાગમાં ટેક્સ છુટ માટે 80સી, 80 ડી અને 80 જી અંતર્ગત રોકાણની અંતિમ તારીખ 31 જૂલાઈ 2020 કરી નાખી છે. સીબીડીટીએ કોરોનાના વધતા કેસને ધ્યાનમાં રાખી આ સમયસીમા વધારી છે.

સરકારે નાણાકીય વર્ષ 2019-20 માટે એડવાન્સ ટેક્સની ચુકવણી માટે તારીખને આગળ વધારી 30 જૂન 2020 કરી છે. ફોર્મ 16ની પણ અંતિમ તારીખ 10 જૂન 2020ની સમયમર્યાદા વધારીને 30 જૂન 2020 કરી દીધી છે.