છત્તીસગઢ બાદ હવે તમામની નજર મધ્યપ્રદેશ પર ટકેલી છે. મધ્યપ્રદેશના નવા મુખ્યમંત્રી કોણ બનશે? આ અંગે રાજધાની ભોપાલમાં ભારતીય જનતા પાર્ટી (BJP)ના ધારાસભ્ય દળની બેઠક ચાલી રહી છે. આ બેઠકમાં ધારાસભ્ય દળના નેતાની પસંદગી કરવામાં આવશે. આ બેઠક સુપરવાઈઝર મનોહર લાલ ખટ્ટરના નેતૃત્વમાં થઈ રહી છે. મધ્યપ્રદેશમાં મુખ્યમંત્રી પદની રેસમાં ઘણા નામો આગળ છે. જેમાં વર્તમાન સીએમ શિવરાજ સિંહ ચૌહાણ, પૂર્વ કેન્દ્રીય મંત્રી પ્રહલાદ પટેલ, નરેન્દ્ર સિંહ તોમરના નામ રેસમાં સૌથી આગળ માનવામાં આવે છે.
તમને જણાવી દઈએ કે મધ્યપ્રદેશમાં ગયા મહિને 17 નવેમ્બરે વિધાનસભા ચૂંટણી માટે મતદાન થયું હતું. 3 ડિસેમ્બરે જાહેર થયેલા ચૂંટણી પરિણામોમાં ભારતીય જનતા પાર્ટીએ મધ્યપ્રદેશની 230 વિધાનસભા બેઠકોમાંથી 163 બેઠકો જીતી છે. આ પછી, મુખ્યમંત્રીના નામ પર સતત સસ્પેન્સ છે.