મહારાષ્ટ્ર માં TV ચેનલો દ્વારા TRP કૌભાંડ મામલા ના આ કેસમાં નવી વાત બહાર આવી છે અને મુંબઈ પોલીસે દ્વારા TRP કેસમાં રિપબ્લિક ટીવી ના રટણ બાદ હવે આ કેસમાં રિપબ્લિક તો ખરું જ પણ આજ તક એટલે કે ઈન્ડિયા ટુડેનું નામ જણાવતા મીડિયા માં ભારે સનસની મચી છે.
મુંબઈમાં TRPની જવાબદારી સંભાળતી કંપની હંસા રિસર્ચ ગ્રુપ પ્રાઈવેટ લિમિટેડના ડેપ્યુટી જનરલ મેનેજર નીતિન દેવકરે FIR દાખલ કરાવી છે. આ એફઆઈઆરની જે કોપી સામે આવી છે જેમાં ‘રિપબ્લિક’ નહીં પણ ‘ઈન્ડિયા ટુડે’નું નામનો ઉલ્લેખ છે.
આ FIRની કોપી સામે આવ્યા બાદ મુંબઈ પોલીસે સ્પષ્ટતા કરી છે. મુંબઈ પોલીસના જોઈન્ટ કમિશનર મિલિંદ ભરાંબેએ જણાવ્યું હતું કે, હંસા દ્વારા નોંધાવવામાં આવેલી FIRમાં ઈન્ડિયા ટુડેનું નામ જરૂર હતું, પરંતુ ધરપકડ કરાયેલા એક આરોપીએ પૂછપરછમાં રિપબ્લિક ટીવી અને 2 મરાઠી ચેનલોનું નામ જણાવ્યું હતું. અત્યાર સુધીની જે તપાસ કરવામાં આવી છે એના આધારે આ ત્રણેય ચેનલો વિરુદ્ધ પુરાવા મળ્યા છે તો તપાસ પણ એ જ દિશામાં આગળ વધશે. તેમ ઉમેર્યુ હતું. અત્યારસુધી મુંબઈ પોલીસ અને ચેનલો ને છત્રીસ નો આંકડો રહ્યો હોવાનું સુશાંત રાજપૂત કેસ બાદ જણાયું છે.ત્યારે હાલ તો ચેનલો સામે પોલીસે ભીડવા કમર કસી હોવાનું જણાય રહ્યું છે.
