ભારતીય ક્રિકેટ ટીમના પૂર્વ કેપ્ટન અને હાલના BCCI પ્રમુખ સૌરવ ગાંગુલી(Sourav Ganguly) ના પરિવારના સભ્યો કોવિડ -19(COVID-19) પોઝિટિવ હોવાનું જાણવા મળ્યું છે. રાજ્યના આરોગ્ય વિભાગ દ્વારા આપવામાં આવેલી માહિતી અનુસાર, સૌરભ ગાંગુલીના મોટા ભાઇ અને ક્રિકેટ એસોસિએશન ઓફ બંગાળ (CAB) ના સચિવ સ્નેહાશિષ ગાંગુલીને જીવલેણ વાયરસનો ચેપ લાગ્યો હતો, એમ રાજ્યના આરોગ્ય વિભાગ દ્વારા આપવામાં આવેલી માહિતીમાં જણાવાયું છે.
આ ઉપરાંત સ્નેહાશિષની પત્નીને પણ વાયરસનો ચેપ લાગ્યો છે. એક મીડિયા રિપોર્ટ અનુસાર સ્નેહાશિષના સસરા અને સાસુને પણ ગયા અઠવાડિયે વાયરસનો ચેપ લાગ્યો હતો. બિઝનેસ ઈન્સાઇડર ઈન્ડિયાએ એક વરિષ્ઠ અધિકારીને ટાંકીને જણાવ્યું હતું કે, ચારેય વ્યક્તિઓએ કોવિડ -19 ચેપ જેવા આરોગ્યને લગતા લક્ષણોની ફરિયાદ કરી હતી, જ્યારે તેઓ બેહલામાં ગાંગુલીના પૂર્વજોના ઘરની જગ્યાએ અન્યત્ર રહેતા હતા. પરીક્ષણનો રિપોર્ટ પોઝિટિવ આવ્યા બાદ પરિવારના ચારેય સભ્યોને ખાનગી નર્સિંગ હોમમાં દાખલ કરવામાં આવ્યા હતા. નર્સિંગ હોમના સૂત્રોએ જણાવ્યું હતું કે, તેમને રજા આપવામાં આવશે કે નહીં તે ટેસ્ટ રિપોર્ટ પર આધારીત છે.
અગાઉ ગાંગુલીએ કહ્યું હતું કે જ્યારે વાયરસ નાબૂદ થાય છે ત્યારે ક્રિકેટ ફરીથી શરૂ કરવામાં આવશે. ભારતીય ક્રિકેટ અને તેનાથી સંબંધિત પ્રવૃત્તિઓ હાલમાં કોરોના વાયરસને કારણે બ્રેક પર છે. એટલું જ નહીં, પ્રતિષ્ઠિત ટી 20 લીગ આઇપીએલ પણ અનિશ્ચિત સમય માટે મુલતવી રાખવામાં આવી છે.
આઇપીએલ કોરોના વાયરસના કારણે અનિશ્ચિત સમય માટે મુલતવી રાખવામાં આવી છે. કેટલાક હવે આશા રાખે છે કે તે સપ્ટેમ્બર-ઓક્ટોબરમાં થઈ શકે છે. આઈપીએલ ગવર્નિંગ કાઉન્સિલના અધ્યક્ષ બ્રિજેશ પટેલે પણ આ પ્રકારનો દાવો કર્યો છે. પટેલે જણાવ્યું હતું કે તે ટૂર્નામેન્ટ માટે સપ્ટેમ્બર-ઓક્ટોબર વિંડો પર નજર રાખી રહ્યો છે, પરંતુ ટી -20 વર્લ્ડ કપ અંગે આઇસીસીની ઔપચારિક ઘોષણાની રાહ જોઇ રહ્યા છે.