‘જે દેશ તૈયારી કર્યા વગર લોકડાઉન હટાવી રહ્યું છે તેઓ વિનાશને આમંત્રણ આપી રહ્યું છે’

વિશ્વ સ્વાસ્થ્ય સંગઠનના (WHO) એક સર્વેમાં સામે આવ્યું છે કે દુનિયાના 90 ટકાથી વધારે દેશોનું હેલ્થ સિસ્ટમ કોરોનાના (Coronavirus) કારણે ખરાબ રીતે પ્રભાવિત થયું છે. માર્ચથી જૂન વચ્ચેના ડેટામાં સામે આવ્યું છે કે સ્વાસ્થ્ય વ્યવસ્થામાં (Health System) ખુબ જ ખરાબ અસર જોવા મળી છે અને જો આવુ જ ચાલતું રહ્યું તો તેમનું વધારે દિવસો સુધી ટકી રહેવું મુશ્કેલ છે. WHOએ ચેતવણી આપતા કહ્યું કે, જે દેશ તૈયારી કર્યા વગર લોકડાઉન હટાવી રહ્યું છે તેઓ વિનાશ તરફ આગળ વધી રહ્યું છે.

WHOના અનુસાર કોરોનાના ચાલતે કેટલાક રૂટિન અપોઈન્ટમેન્ટ અને સ્ક્રીનિંગ કેન્સલ કરવી પડે છે. તો મહામારીના કારણે કેન્સરના ઈલાજ જેમ કે ક્રિટિકલ કેર પર પણ ખુબ જ ખરાબ અસર જોવા મળી છે. મધ્યમ અને ઓછી આવકવાળા દેશોને સૌથી વધુ મુશ્કેલીઓનો સામનો કરવો પડ્યો. વધુ પડતા દેશોમાં ગર્ભનિરોધક અને ફેમિલી પ્લાનિંગ (68%), માનસિક સ્વાસ્થ્યથી જોડાયેલ સમસ્યાનો ઈલાજ (61%) અને કેન્સરનો ઈલાજ (55%) પ્રભાવિત થયું છે.

વિશ્વ સ્વાસ્થ્ય સંગઠને કહ્યું કે કોરોના વાયરસ વેક્સિનની મંજૂરી આપવાની પ્રક્રિયાને ‘ગંભીરતા’ થી લેવાની જરૂર છે. સંયુક્ત રાષ્ટ્રના સ્વાસ્થ્ય સંગઠનના પ્રમુખ વૈજ્ઞાનિક સૌમ્યા સ્વામીનાથનએ પત્રકારોથી કહ્યું કે, બધા દેશ ટ્રાયલ પૂર્ણ કર્યા વગર દવાઓને મંજૂરી આપવાનો અધિકાર ધરાવે છે પરંતુ આ કોઈ ‘ઢીલથી લેવામાં આવે એવું કામ નથી’ WHOનું કહેવું છે કે હાલ 33 વેક્સિનનો ક્લિનિકલ ટ્રાયલ ચાલી રહ્યો છે જયારે 143 ડોઝ હજુ પ્રિ ક્લિનિકલ ઇવેલ્યુએશનના તબક્કામાં છે. સંગઠને ચોખા શબ્દોમાં કહ્યું છે કે, જે દેશ ક્લિનિકલ ટ્રાયલ કર્યા વગર વેક્સિનનો ઉપયોગ કરવાનું વિચારી રહ્યા છે તેમને ખરાબ પરિણામોનો સામનો કરવો પડી શકે છે.

જૉન હૉપકિન્સ યુનિવર્સીટી અનુસાર, સમગ્ર દુનિયામાં કોવિડ-19 ના 25,318,901 કેસ નોંધવામાં આવ્યા છે જયારે 847,797 લોકો મૃત્યુ પામ્યા છે. અમેરિકામાં કોરોના વાયરસના કારણે સ્થિતિ ગંભીર છે. વાઈટ હાઉસ દ્વારા જનતાને કહેવામાં આવ્યું છે કે વેક્સિનની રાહ ન જુઓ, ધ્યાન રાખો. યુરોપના વધારે પડતા વિસ્તારોમા શાળાઓ ફરી ખોલવાની તૈયારી થઇ રહી છે પરંતુ કેટલાક દેશ એવા છે જેમને સલામત રીતે આવું કરવામાં સમસ્યા આવી રહી છે