સિમબાયોટેક ફાર્માલેબથી લઈને લ્યુમિનો ઇન્ડસ્ટ્રીઝ: આ સપ્તાહના મુખ્ય આઈપીઓ પર નજર
ભારતીય શેરબજારના પ્રાથમિક માર્કેટ (Primary Market) માં ધમાકેદાર રોકાણ અને તેજીનો દોર ચાલુ રહ્યો છે. ૨૪ ઓગસ્ટ ૨૦૨૬ થી શરૂ થઈ રહેલા નવા સપ્તાહમાં રોકાણકારો માટે કમાણી કરવાની અગણિત તકો સામે આવી રહી છે. આ સપ્તાહ દરમિયાન કુલ ૯ નવી કંપનીઓના આઈપીઓ (IPO) સબસ્ક્રિપ્શન માટે ખુલી રહ્યા છે, જેમાં ૫ કંપનીઓ મેનબોર્ડ સેગમેન્ટની અને બાકીની એસએમઈ (SME) સેગમેન્ટની છે. આ ઉપરાંત, અગાઉથી ભરાઈ ગયેલી અને લિસ્ટિંગની રાહ જોઈ રહેલી ૮ નવી કંપનીઓના શેર સ્ટોક એક્સચેન્જ પર લિસ્ટેડ થવા જઈ રહ્યા છે.
આ અઠવાડિયે સબસ્ક્રિપ્શન માટે ખુલતા મુખ્ય આઈપીઓ
- સ્કાયવેઝ એર આઈપીઓ (Skyways Air IPO): આ આઈપીઓ ૨૪ ઓગસ્ટે ખુલીને ૨૭ ઓગસ્ટે બંધ થશે. કંપની આ ઈશ્યુ દ્વારા રૂ. ૫૮૨.૮૦ કરોડ એકત્ર કરશે. આની પ્રાઈસ બેન્ડ રૂ. ૧૩૧ થી ૧૩૮ પ્રતિ શેર અને લોટ સાઈઝ ૧૦૦ શેર છે. લિસ્ટિંગ ૧ સપ્ટેમ્બરે NSE અને BSE પર થશે.
- હાઈટેક એન્જિનિયર્સ આઈપીઓ (Hy Tech Engineers IPO): રૂ. ૧૩૫.૭૩ કરોડનો આ આઈપીઓ ૨૪ થી ૨૭ ઓગસ્ટ વચ્ચે ખુલ્લો રહેશે. પ્રાઈસ બેન્ડ રૂ. ૫૦ થી ૫૩ અને લોટ સાઈઝ ૨૮૩ શેર રાખવામાં આવી છે. લિસ્ટિંગ ૧ સપ્ટેમ્બરે થશે.
- સિમબાયોટેક ફાર્માલેબ આઈપીઓ (Symbiotec Pharmalab IPO): આ અઠવાડિયાનો સૌથી મોટો રૂ. ૧,૭૫૭ કરોડનો આઈપીઓ ૨૪ થી ૨૭ ઓગસ્ટ સુધી ભરી શકાશે. જેની પ્રાઈસ બેન્ડ રૂ. ૯૩૮ થી ૯૮૮ અને લોટ સાઈઝ ૧૫ શેર છે. તેનું લિસ્ટિંગ પણ ૧ સપ્ટેમ્બરે થશે.
- એબીએચ હેલ્થકેર અને મધુર ક્નિટ આઈપીઓ: એબીએચ હેલ્થકેરનો રૂ. ૩૪.૯૮ કરોડનો આઈપીઓ (પ્રાઈસ બેન્ડ રૂ. ૯૬-૧૦૨) અને મધુર ક્નિટનો રૂ. ૫૩.૨૭ કરોડનો આઈપીઓ (પ્રાઈસ બેન્ડ રૂ. ૯૫-૧૦૦) ૨૪ ઓગસ્ટથી ૨૭ ઓગસ્ટ વચ્ચે NSE SME પ્લેટફોર્મ પર ખુલશે. બંનેનું લિસ્ટિંગ ૧ સપ્ટેમ્બરે થશે.
- અનુ પ્રોજેક્ટ્સ અને સુમેક્સ એન્જિનિયરિંગ: અનુ પ્રોજેક્ટ્સનો રૂ. ૧૭૫.૦૬ કરોડનો આઈપીઓ ૨૫ ઓગસ્ટે ખુલશે (પ્રાઈસ બેન્ડ રૂ. ૯૪-૯૯) અને ૨ સપ્ટેમ્બરે લિસ્ટેડ થશે. જ્યારે સુમેક્સ એન્જિનિયરિંગનો રૂ. ૫૩.૪૦ કરોડનો આઈપીઓ ૨૫ થી ૨૮ ઓગસ્ટ વચ્ચે ખુલ્લો રહેશે અને ૨ સપ્ટેમ્બરે NSE SME પર લિસ્ટ થશે.
- લ્યુમિનો ઇન્ડસ્ટ્રીઝ અને ક્વિક ફોરેન્સિક: રૂ. ૭૦૦ કરોડનો લ્યુમિનો ઇન્ડસ્ટ્રીઝ આઈપીઓ (પ્રાઈસ બેન્ડ રૂ. ૭૮-૮૨) ૨૭ ઓગસ્ટે ખુલશે. આ સાથે ક્વિક ફોરેન્સિક સોલ્યુશન્સનો રૂ. ૫૦.૭૭ કરોડનો આઈપીઓ ૨૭ થી ૩૧ ઓગસ્ટ સુધી ભરી શકાશે. આ બંને કંપનીઓ ૩ સપ્ટેમ્બરે લિસ્ટ થશે.
આ અઠવાડિયે સ્ટોક એક્સચેન્જ પર લિસ્ટેડ થનાર કંપનીઓ
શેર લિસ્ટિંગની દ્રષ્ટિએ પણ આ અઠવાડિયું ખૂબ જ વ્યસ્ત રહેવાનું છે.
- ૨૪ ઓગસ્ટ: હોરીઝોન ઇન્ડસ્ટ્રીયલ પાર્ક અને લલિતા જ્વેલરી માર્ટના શેર NSE અને BSE પર લિસ્ટેડ થશે.
- ૨૫ ઓગસ્ટ: શંકેશ જ્વેલર્સ અને સનશાઇન પિક્ચર્સ કંપનીના શેરનું મેનબોર્ડ પર ધમાકેદાર ડેબ્યૂ થશે.
- ૨૬ ઓગસ્ટ: ગાજા ઓલ્ટરનેટિવ એસેટ મેનેજમેન્ટના શેર મેનબોર્ડ પર, જ્યારે ધનવેલ હાઇબ્રિડ સિડ્સ અને મોપશોપ ડિસ્ટ્રિબ્યુશન્સના શેર BSE SME પર લિસ્ટેડ થશે.
- ૨૮ ઓગસ્ટ: ટેમ્પ્સેન્સ ઇન્સ્ટ્રુમેન્ટ્સ (ઈન્ડિયા) કંપનીના શેરનું NSE અને BSE પર લિસ્ટિંગ થશે.
આઈપીઓ માર્કેટમાં આવેલી આ જોરદાર આકર્ષણ અને તેજીને કારણે રોકાણકારો માટે શોર્ટ ટર્મ લિસ્ટિંગ ગેન અને લોંગ ટર્મ ઈન્વેસ્ટમેન્ટ બંને માટે સારા વિકલ્પો મળી રહ્યા છે.
