World Meditation Day: આ રીતે પણ મેડિટેશન કરો, અને જીવનમાં નવી શાંતિ લાવો
World Meditation Day: મેડિટેશન અથવા ધ્યાન એ એક એવી તકનીક છે, જે માનસિક શાંતિ અને ધ્યાન વધારવામાં મદદ કરે છે. દર વર્ષે 21 ડિસેમ્બરે વર્લ્ડ મેડિટેશન ડે મનાવીને લોકોમાં આની મહત્વતા અંગે જાગૃતિ લાવવામાં આવે છે.
મેડિટેશનનો અભ્યાસ માનસિક શાંતિ, આત્મ-નિયંત્રણ અને શારીરિક સ્વાસ્થ્ય માટે ફાયદાકારક થાય છે. તેને નિયમિત રીતે કરવાથી મનોશાંતિ પ્રાપ્ત થાય છે અને ધ્યાન કેન્દ્રિત રહે છે, જેનાથી તાણ ઘટાડવામાં મદદ મળે છે. લાઇફ કોચ અને મોટિવેશનલ સ્પીકર સંદીપ કોચર મુજબ, મેડિટેશનથી શ્રેષ્ઠ ફોકસ મેળવવામાં મદદ મળે છે અને માનસિક તાણમાં રાહત મળે છે. તમે મેડિટેશન વિશે સાંભળ્યું હશે, પરંતુ શું તમે જાણો છો કે તે વિવિધ પ્રકારના હોય છે? ચાલો જાણીએ, મેડિટેશનના કેટલાક અનોખા પ્રકારો વિશે એઝપરટ્સ પાસેથી.
1. વિપશ્યના
વિપશ્યના એક પ્રાચીન બૌદ્ધ ધ્યાન પદ્ધતિ છે, જે આંતરિક જાગૃતિ પર ભાર આપે છે. આમાં વ્યક્તિ શ્વાસ અને માનસિક વિચારોથી કઈ પણ નિષ્કર્ષ પર પહોંચ્યા વગર માત્ર અવલોકન કરે છે. તેનો ઉદ્દેશ્ય માનસિક અને શારીરિક દુખોથી મુક્તિ મેળવવાનો છે.
2. યોગિક મેડિટેશન
યોગિક મેડિટેશન શારીરિક આસનો, શ્વાસ પર ધ્યાન, અને માનસિક એકાગ્રતા સાથે જોડાયેલું છે. આમાં પ્રાણાયામ અને વિવિધ શારીરિક મુદ્રાઓનો અભ્યાસ કરવો પડે છે, જે માનસિક સંતુલન, આરોગ્ય અને આત્મજ્ઞાનને પ્રોત્સાહન આપે છે. આ મેડિટેશન આરોગ્ય માટે ખૂબ જ ફાયદાકારક છે.
3. લવિંગ કાઇન્ડનેસ મેડિટેશન
લવિંગ કાઇન્ડનેસ મેડિટેશન (મેટા મેડિટેશન) પ્રેમ અને કરુણા માટે કરવામાં આવે છે. આ મેડિટેશનમાં વ્યક્તિ પોતાની સાથે સાથે બીજા માટે પણ સકારાત્મક અને શુભ વિચાર કરે છે. આ માનસિક શાંતિ, દયા અને સહાનુભૂતિ વધારવામાં મદદ કરે છે અને ઇમોશનલ હીલિંગ માટે ખૂબ અસરકારક છે.
4. મંત્રથી મેડિટેશન
આ પ્રકારના મેડિટેશનમાં એક વિશેષ મંત્રનો ઉચ્ચારણ કરવામાં આવે છે. આ મંત્ર વ્યક્તિને માનસિક શાંતિ અને ઊંડા ધ્યાનની સ્થિતિમાં પહોંચાડવા માટે માર્ગ પ્રદાન કરે છે. આના માધ્યમથી વ્યક્તિ પોતાના માનસિક ભ્રમમાંથી બહાર આવી, એકાગ્રતા અને શાંતિની સ્થિતિમાં પહોંચે છે. આ મનની સ્થિતિને શાંત અને સ્થિર રાખવામાં મદદ કરે છે.
મેડિટેશનના આ પ્રકારો માત્ર માનસિક શાંતિ જ નહિ, પરંતુ શારીરિક અને ભાવનાત્મક આરોગ્યમાં પણ સુધારો લાવે છે. જો તમે મેડિટેશનના આ માર્ગ પર ચાલી શકો, તો આ તમારી જિંદગીમાં એક સકારાત્મક પરિવર્તન લાવી શકે છે.
