મહુવા માર્કેટિંગ યાર્ડમાં મગફળી અને ડુંગળીની આવક તેજ, ભાવોમાં ઉછાળો

ઘઉં અને બાજરીની આવક શરૂ, તલના ભાવમાં ભારે ઘટાડો

ભાવનગર જિલ્લાના મહુવા માર્કેટિંગ યાર્ડમાં મગફળીની આવક શરૂ થતાં ખેડૂતોમાં ચહલપહલ જોવા મળી રહી છે. આજે યાર્ડમાં કુલ 2855 ગુણી મગફળીનું વેચાણ નોંધાયું હતું. મગફળી 32ના ભાવ 1,128 રૂપિયાથી 1,301 રૂપિયા સુધી રહ્યા હતા. જ્યારે મગફળી 39ના ભાવ 1,051થી 1,294 રૂપિયા સુધી નોંધાયા હતા. અલગ અલગ જાતોમાં ભાવમાં ફેરફાર જોવા મળ્યો છે.

ગિરનાર અને G-20 મગફળીના ભાવમાં સારી માંગ

આજના વેપારમાં મગફળી ગિરનારના ભાવ 1,144 રૂપિયાથી 1,310 રૂપિયા સુધી રહ્યા હતા. સાથે જ મગફળી G-20ના ભાવ 1,051થી 1,294 રૂપિયા સુધી નોંધાયા હતા. વેપારીઓના જણાવ્યા મુજબ ગુણવત્તાવાળી મગફળી માટે માંગ યથાવત છે. આવક વધતા આગામી દિવસોમાં ભાવમાં ઉતાર-ચઢાવ જોવા મળી શકે છે. ખેડૂતો ભાવને ધ્યાનમાં રાખીને મગફળી યાર્ડમાં લાવી રહ્યા છે.

લાલ ડુંગળીના ભાવમાં ઉછાળો, 26,263 કટ્ટાનું વેચાણ

મહુવા માર્કેટિંગ યાર્ડમાં છેલ્લા કેટલાક સમયથી લાલ અને સફેદ ડુંગળીની સતત આવક થઈ રહી છે. આજે લાલ ડુંગળીના ભાવ 85 રૂપિયાથી 464 રૂપિયા સુધી રહ્યા હતા. ગઈકાલની સરખામણીએ લાલ ડુંગળીના ભાવમાં 86 રૂપિયાનો વધારો નોંધાયો છે. કુલ 26,263 કટ્ટા લાલ ડુંગળીનું વેચાણ કરવામાં આવ્યું હતું.

સફેદ ડુંગળી અને બિયારણના ભાવમાં પણ વધારો

આજે સફેદ ડુંગળીના ભાવ 150 રૂપિયાથી 287 રૂપિયા સુધી રહ્યા હતા. ગઈકાલની સરખામણીએ તેમાં 18 રૂપિયાનો સામાન્ય વધારો નોંધાયો છે. જ્યારે સફેદ ડુંગળી બિયારણના ભાવ 287 રૂપિયાથી 563 રૂપિયા સુધી રહ્યા હતા. બિયારણના ભાવમાં એક જ દિવસમાં 63 રૂપિયાનો વધારો નોંધાયો છે અને 8451 કટ્ટાનું વેચાણ થયું હતું.

ભાવનગરમાં કેન્દ્રીય ઉડ્ડયન મંત્રી કે. રામમોહન નાયડુનો ભવ્ય અભિવાદન સમારોહ

કે. રામમોહન નાયડુના હસ્તે ભાવનગર-નવી મુંબઈ સીધી ફ્લાઇટ સેવાનો શુભારંભ

ઘઉં અને બાજરીની આવક શરૂ, ભાવમાં મિશ્ર પ્રવાહ

મહુવા માર્કેટિંગ યાર્ડમાં હવે ઘઉંની પણ આવક શરૂ થઈ ગઈ છે. આજે 208 કટ્ટા ઘઉં ટુકડાનું વેચાણ થયું હતું, જેમાં પ્રતિ મણ ભાવ 490 રૂપિયાથી 619 રૂપિયા સુધી રહ્યા હતા. ગઈકાલની સરખામણીએ ઘઉંના ભાવમાં 5 રૂપિયાનો ઘટાડો નોંધાયો છે. સાથે જ બાજરીની 107 કટ્ટાની આવક થઈ હતી, જેના ભાવ 371થી 640 રૂપિયા સુધી રહ્યા હતા.

તલમાં ભારે ઘટાડો, નારિયેળ અને કપાસમાં વધારો

આજે સફેદ તલના ભાવ 1,700 રૂપિયા સુધી રહ્યા હતા, જેમાં ગઈકાલની સરખામણીએ 400 રૂપિયાનો ઘટાડો નોંધાયો છે. મહુવા યાર્ડમાં નારિયેળના ભાવ પ્રતિ મણે 500 રૂપિયાથી 2,751 રૂપિયા સુધી રહ્યા હતા. કુલ 49,480 નંગ નારિયેળનું વેચાણ થયું અને ભાવમાં 263 રૂપિયાનો વધારો નોંધાયો. સાથે જ કપાસની 145 ગાંસડીનું વેચાણ થયું હતું, જેના ભાવ 680થી 1,507 રૂપિયા સુધી રહ્યા હતા.