Festive sale: નવાઈની વાત એ હતી કે આ ફેસ્ટિવ સેલમાં દિગ્ગજ કંપની એપલ 16 ટકા માર્કેટ શેર સાથે બીજા સ્થાને હતી.
Festive sale: તહેવારોના વેચાણના પ્રથમ તબક્કામાં, સેમસંગે 20 ટકા માર્કેટ શેર સાથે નંબરોની દ્રષ્ટિએ સ્માર્ટફોન સેગમેન્ટમાં ટોચનું સ્થાન મેળવ્યું છે. સેમિકન્ડક્ટર ઇન્ફર્મેશન પ્લેટફોર્મ ટેક ઇનસાઇટ્સે મંગળવારે જણાવ્યું હતું કે 26 સપ્ટેમ્બરથી 6 ઑક્ટોબર વચ્ચે યોજાયેલા ફેસ્ટિવ સેલ દરમિયાન ગ્રાહકોએ 1 મિલિયનથી વધુ આઇફોન ખરીદ્યા હતા. ટેક ઇનસાઇટે એક બ્લોગમાં જણાવ્યું હતું કે, “તહેવારના વેચાણના પ્રથમ રાઉન્ડમાં, સેમસંગે 20 ટકા માર્કેટ શેર સાથે સ્માર્ટફોનના વેચાણમાં અગ્રેસર છે, જ્યારે Apple બીજા સ્થાને રહ્યું છે.”
ઓનલાઈન વેચાણનો હિસ્સો 78 ટકા હતો
મુખ્ય ઈ-કોમર્સ કંપનીઓ એમેઝોન અને ફ્લિપકાર્ટે તેમના પ્લેટફોર્મ પર તહેવારોના વેચાણનું આયોજન કર્યું હતું જેમાં ગ્રાહકો માટે અનેક પ્રકારના ડિસ્કાઉન્ટ અને આકર્ષક ઓફરો પણ આપવામાં આવી હતી. બ્લોગમાં જણાવાયું છે કે સેમસંગ ફ્લિપકાર્ટ અને એમેઝોન પર તહેવારોના વેચાણનું મુખ્ય પ્રાયોજક પણ હતું, જેણે તેને વધારાનું પ્રોત્સાહન આપ્યું હતું. ટેક ઇનસાઇટ્સનો અંદાજ છે કે તહેવારોના વેચાણના પ્રથમ તબક્કા દરમિયાન સ્માર્ટફોનના કુલ વેચાણમાં ઓનલાઇન વેચાણનો હિસ્સો 78 ટકા હતો. નવરાત્રિની શરૂઆત સાથે ઓફલાઈન વેચાણે પણ વેગ પકડ્યો હતો.
iPhone 15 અને iPhone 13 મોડલની ભારે માંગ
નવાઈની વાત એ હતી કે આ ફેસ્ટિવ સેલમાં દિગ્ગજ કંપની એપલ 16 ટકા માર્કેટ શેર સાથે બીજા સ્થાને હતી. આમાં iPhone 15 અને iPhone 13 મોડલના વેચાણનો મોટો ફાળો હતો. Oppo ગ્રુપ (Oppo અને OnePlus), Xiaomi અને Realme તહેવારોની સિઝનના પ્રથમ તબક્કામાં સંખ્યાની દ્રષ્ટિએ ટોચના પાંચ સ્માર્ટફોન વિક્રેતાઓમાં સામેલ હતા.
