મોરબી જિલ્લા પંચાયતની કારોબારી સમિતિની બેઠકમાં બિનખેતીની ફાઇલો તથા રોડ કામ સહિતના ૧૧ ઠરાવ મંજૂર કરવામાં આવ્યા હતા. કારોબારીમાં જિલ્લાની ૧૩૫ એકર જમીનને બિનખેતી કરવામાં આવી હતી.
મોરબી જિલ્લા પંચાયતમાં આજે કારોબારી સમિતિની બેઠકનું આયોજન કરવામાં આવ્યું હતું જેમાં બિનખેતીની ફાઇલો રજૂ થઈ હતી કારોબારીમાં બિનખેતીની ૪૪ ફાઈલો મંજુર કરીને ૧૩૫ એકર જમીન બિનખેતી કરવામાં આવી હતી ઉપરાંત હળવદ તાલુકાનો રોડ,વાંકાનેર તાલુકાનો રોડ, રાતી દેવડી- વાંકિયા- પંચાસિયા રોડ તેમજ પ્રમુખ સ્થાનેથી હળવદ પંથકના એક રોડની મુદતના કામમાં વધારો કરી ચાર રોડનાં કામોને મંજૂર કરવાનો ઠરાવ પસાર કરવામાં આવ્યો હતો.