મોરબીના સામાકાંઠા વિસ્તારમાં રહેણાંક સોસાયટીમાં પાર્ક કરેલા બાઈકને અસામાજિક તત્વોએ આગ ચાંપી હોવાનો બનાવ સામે આવ્યો છે. ચાર બાઇકમાં આગ લાગી હતી. જેમાં બે બાઇક બળીને ખાખ થઈ ગયા હતા.પોલોસે આ બનાવની નોંધ કરી આગળની તપાસ હાથ ધરી છે.
સામાકાંઠે રહેણાંક સોસાયટીના બહારના ભાગે પાર્ક કરેલા ૧૦ જેટલા બાઈકમાંથી ૧ બાઈકમાં અસામાજિક તત્વોએ આગ ચાંપી હતી. બાદમાં આ આગ આસપાસના ૪ બાઇકમાં પ્રસરી હતી જેમાં ૨ બાઈક બળીને ખાખ થઈ ગયા હતા. વહેલી સવારે ૪ વાગ્યે બનેલી આ ઘટના થી સોસાયટીના રહીશો જાગી ગયા હતા. રહીશોએ તાત્કાલિક પાણીનો મારો ચલાવી બાઈક પર લાગેલી આગ બુઝાવી હતી. જેથી બાકીના બાઈક બચી ગયા હતા.
અત્રે ઉલ્લેખનીય છે કે અગાઉ પણ ૨ થી ૩ માસ પૂર્વે આ જ વિસ્તારમાં બાઈકને આગ ચાંપવાનો બનાવ બન્યો હતો. ત્યારે ફરી આવો બનાવ સામે આવ્યો છે. હાલ પોલોસે બનાવની નોંધ કરી તપાસનો ધમધમાટ શરૂ કર્યો છે.