Nitin Gadkari: કંપનીઓ ડીઝલ કાર બનાવવાનું બંધ કરી દે, વેચવું મુશ્કેલ બનશે’, નીતિન ગડકરીએ કેમ આપી આ ચેતવણી?
Nitin Gadkari: કેન્દ્રીય મંત્રી નીતિન ગડકરીએ CIIના એક કાર્યક્રમ દરમિયાન ડીઝલ કારને લઈને મોટી વાત કહી છે. નીતિન ગડકરીએ લોકોને ડીઝલ વાહનોને જલ્દી અલવિદા કહેવાની સલાહ આપી હતી. એટલું જ નહીં, રોડ ટ્રાન્સપોર્ટ અને હાઈવે મિનિસ્ટરે કાર ઉત્પાદક કંપનીઓને ડીઝલ વાહનોનું ઉત્પાદન બંધ કરવાની પણ અપીલ કરી હતી.
રોડ ટ્રાન્સપોર્ટ અને હાઈવે મંત્રી નીતિન ગડકરી ઈંધણનું પ્રદૂષણ અને તેની આયાત ઘટાડવા માટે સતત પ્રયાસો કરી રહ્યા છે. તેમણે કહ્યું, ‘જો ડીઝલ વાહનોનું ઉત્પાદન જલ્દી બંધ કરવામાં નહીં આવે તો તેઓ આ વાહનો પર એટલો ટેક્સ લગાવશે કે તેને વેચવું મુશ્કેલ થઈ જશે. આપણે ટૂંક સમયમાં પેટ્રોલ અને ડીઝલ છોડીને પર્યાવરણને અનુકૂળ બનવાના નવા માર્ગ પર આગળ વધવું પડશે. હું નાણામંત્રી પાસે ડીઝલ વાહનો પર 10 ટકા વધારાના GSTની માંગ કરીશ.
પોતાની કારનો ઉલ્લેખ કરતાં નીતિન ગડકરીએ કહ્યું હતું કે
મારી કાર ઇથેનોલ પર ચાલે છે. જો તમે આ કારની પેટ્રોલ સાથે સરખામણી કરો તો તેની કિંમત 25 રૂપિયા પ્રતિ કિમી છે, જ્યારે ઇથેનોલની કિંમત તેનાથી પણ ઓછી છે. એક લિટર ઇથેનોલની કિંમત 60 રૂપિયા છે, જ્યારે પેટ્રોલનો દર 120 રૂપિયાથી ઉપર છે. નીતિન ગડકરીએ કહ્યું કે આજના સમયમાં ઇલેક્ટ્રિક સ્કૂટર, કાર અને બસ એક શ્રેષ્ઠ વિકલ્પ તરીકે ઉભરી આવ્યા છે.
