નવસારીમાં નાસ્તાની લારી ચલાવતા રાહુલ શર્મા અગ્રવાલ કોલેજ પાસે આવેલા બંસરી એપાર્ટમેન્ટના ચોથા માળે રહે છે.ગઈ કાલે રાત્રે 10 થી 11 નાં સમય દરમિયાન માતા પિતા અને બાળકી બેડરૂમમાં બેઠા હતા. તેઓનાં બેડરૂમમાં બેડ બારીને અડીને મૂક્યો હતો અને બેડ ની બાજુમાં ખુરશી મૂકી હતી. આ દરમિયાન બાળકી ખુરશી પરથી બેડ પર ગઈ હતી અને બેડ પર રમતા રમતા બારીમાંથી નીચે પટકાઇ હતી. નીચે સિંટેક્સની ચોરસ ખાલી પાણીની ટાંકી પર પડતાં ઉછળીને બાજુમાં પટકાઈ હતી. પડવાનો અવાજ જોરથી આવતા આજુ બાજુના લોકો દોડી આવ્યા હતા અને બાળકીને સારવાર માટે પારસી હોસ્પિટલમાં લઇ ગયા હતા.બાળકી સમાયરા હાલ ખતરાથી બહાર છે પણ વધુ સારવાર માટે ત્યાંથી શ્રદ્ધા હોસ્પિટલમાં લઇ જવામાં કહેતા શ્રદ્ધા હોસ્પિટલમાં સારવાર માટે લઈ ગયા હતા. બાળકીનો CT SCAN કરાવતા તે પણ નોર્મલ આવ્યો તેમ છતાં ડોક્ટરએ હાલ પૂરતી ઓબ્ઝર્વેશન માં રાખી છે.
