નવી Renault Duster 17 માર્ચે થશે લોન્ચ; પ્રી-બુકિંગ શરૂ, ક્રેટા અને સિયેરાને આપશે ટક્કર
રેનો ઇન્ડિયાની સૌથી લોકપ્રિય અને આઇકોનિક એસયુવી ‘રેનો ડસ્ટર’ (Renault Duster) નવા અવતારમાં પરત ફરી રહી છે. ભારતના 77માં પ્રજાસત્તાક દિને આ કાર પરથી પડદો ઉઠાવવામાં આવ્યો હતો અને હવે સત્તાવાર જાહેરાત મુજબ, નવી ડસ્ટર 17 માર્ચે ભારતીય બજારમાં લોન્ચ થશે. જો તમે આ દમદાર એસયુવીના શોખીન હોવ, તો જાણી લો કે તેમાં કયા ખાસ ફીચર્સ અને ફેરફારો કરવામાં આવ્યા છે.
આધુનિક અને રફ-એન્ડ-ટફ લુક
2026 રેનો ડસ્ટરની ડિઝાઇન જૂની ડસ્ટર કરતા ઘણી વધુ આધુનિક અને મજબૂત છે.
- ફ્રન્ટ લુક: આગળના ભાગમાં પાતળી આઇબ્રો સ્ટાઇલ એલઇડી ડીઆરએલ (LED DRLs) અને ગ્રિલ પર મોટી ‘ડસ્ટર’ બેજિંગ આપવામાં આવી છે, જે તેને પ્રીમિયમ લુક આપે છે.
- સાઇડ પ્રોફાઇલ: તેમાં 18-ઇંચના શાનદાર એલોય વ્હીલ્સ, સ્ક્વેર વ્હીલ આર્ચ અને બોડી પર જાડી ક્લેડિંગ જોવા મળે છે.
- રિયર લુક: પાછળના ભાગમાં સી-શેપની ટેલ લેમ્પ્સ અને કનેક્ટેડ એલઇડી લાઇટ બાર આપવામાં આવી છે. બ્લેક રૂફ રેલ્સ અને સિલ્વર સ્કીડ પ્લેટ તેને વધુ ઓફ-રોડર જેવો દેખાવ આપે છે.
પ્રીમિયમ અને હાઇટેક કેબિન
નવી ડસ્ટરનું ઇન્ટિરિયર હવે પહેલા કરતા વધુ લક્ઝુરિયસ છે. કેબિનમાં ડાર્ક બ્લેક થીમ સાથે સિલ્વર એલિમેન્ટ્સ અને કોન્ટ્રાસ્ટ સ્ટિચિંગનો ઉપયોગ કરવામાં આવ્યો છે.
- ડ્યુઅલ સ્ક્રીન સેટઅપ: ડેશબોર્ડ પર ઇન્ફોટેનમેન્ટ અને ડિજિટલ ડ્રાઇવર ડિસ્પ્લે માટે મોટી સ્ક્રીન આપવામાં આવી છે.
- કમ્ફર્ટ ફીચર્સ: તેમાં ડ્યુઅલ-ઝોન ઓટો એસી, પેનોરેમિક સનરૂફ, વાયરલેસ ફોન ચાર્જર અને 64-ઇંચની એમ્બિયન્ટ લાઇટિંગ જેવા પ્રીમિયમ ફીચર્સ સામેલ છે. સાથે જ તેમાં 6-સ્પીકરવાળી આર્કમી ઓડિયો સિસ્ટમ પણ મળશે.
સુરક્ષા માટે ADAS અને 360° કેમેરા
રેનોએ આ વખતે સેફ્ટી પર વિશેષ ધ્યાન આપ્યું છે. નવી ડસ્ટરમાં સુરક્ષા માટે નીચે મુજબની સુવિધાઓ હશે:
- 6 એરબેગ્સ: મુસાફરોની સુરક્ષા માટે સ્ટાન્ડર્ડ એરબેગ્સ.
- 360 ડિગ્રી કેમેરા: સાંકડી જગ્યાએ પાર્કિંગમાં સરળતા માટે.
- લેવલ-2 ADAS: એડવાન્સ્ડ ડ્રાઇવર આસિસ્ટન્સ સિસ્ટમ, જે ડ્રાઇવિંગને વધુ સુરક્ષિત બનાવે છે.
- ડિસ્ક બ્રેક્સ: ચારેય ટાયરમાં ડિસ્ક બ્રેક્સ અને ઈલેક્ટ્રોનિક સ્ટેબિલિટી કંટ્રોલ (ESC).
કિંમત અને સ્પર્ધા
નવી રેનો ડસ્ટરની સંભવિત કિંમત રૂ. 10.50 લાખ (એક્સ-શોરૂમ) થી શરૂ થઈ શકે છે. તમે રૂ. 21,000 ની ટોકન રકમ ચૂકવીને આ કારનું પ્રી-બુકિંગ કરાવી શકો છો.
ભારતીય બજારમાં તેનો સીધો મુકાબલો હ્યુન્ડાઈ ક્રેટા, ટાટા સિયેરા EV, કિયા સેલ્ટોસ, મારુતિ ગ્રાન્ડ વિટારા અને ટોયોટા હાઈરાઈડર જેવી કાર સાથે થશે. મધ્યમ કદની એસયુવી (Mid-size SUV) સેગમેન્ટમાં ડસ્ટરનું પુનરાગમન અન્ય કંપનીઓ માટે મોટો પડકાર સાબિત થઈ શકે છે.
