નિસાનની નવી 7-સીટર ‘Gravite’ ધમાકેદાર કિંમતે લોન્ચ: જાણો દરેક વેરિઅન્ટના ભાવ અને માઈલેજની વિગતો
ભારતીય ઓટોમોબાઈલ માર્કેટમાં ફેમિલી કાર અને 7-સીટર ગાડીઓની વધતી માંગને ધ્યાનમાં રાખીને નિસાને તેની નવી સબ-4 મીટર MPV Nissan Gravite સત્તાવાર રીતે લોન્ચ કરી દીધી છે. રેનો ટ્રાઈબરના પ્લેટફોર્મ પર આધારિત હોવા છતાં, ગ્રેવાઈટ તેના વિશિષ્ટ એક્સટિરિયર અને પ્રીમિયમ ઇન્ટિરિયરને કારણે અલગ ઓળખ ધરાવે છે. મધ્યમ વર્ગના પરિવારો માટે આ એક પરવડે તેવી અને સુવિધાજનક કાર સાબિત થઈ શકે છે.
વિવિધ વેરિઅન્ટ્સ અને તેની કિંમતો
નિસાન ગ્રેવાઈટ મુખ્યત્વે ચાર વેરિઅન્ટ્સમાં ઉપલબ્ધ છે: Visa, Acenta, N-Connecta અને Tekna. કંપનીએ આ કારની શરૂઆતી કિંમત માત્ર ₹5.65 લાખ (એક્સ-શોરૂમ) રાખી છે. ચાલો જાણીએ દરેક વેરિઅન્ટના ભાવ:
| વેરિઅન્ટ | કિંમત (એક્સ-શોરૂમ) |
| Visia MT | ₹5,65,000 |
| Acenta MT | ₹6,59,000 |
| N-Connecta MT | ₹7,20,000 |
| N-Connecta AMT | ₹7,80,000 |
| Tekna MT | ₹7,91,000 |
| Tekna AMT | ₹8,49,000 |
| Tekna Launch Edition MT | ₹8,35,500 |
| Tekna Launch Edition AMT | ₹8,93,500 |
કંપનીએ આ કારનું બુકિંગ શરૂ કરી દીધું છે અને તેની ડિલિવરી માર્ચ 2026 થી શરૂ થવાની ધારણા છે.
એન્જિન અને માઈલેજ
નિસાન ગ્રેવાઈટમાં 1-લિટરનું 3-સિલિન્ડર પેટ્રોલ એન્જિન આપવામાં આવ્યું છે, જે 72 PS પાવર અને 96 Nm ટોર્ક જનરેટ કરે છે. આ કારમાં 5-સ્પીડ મેન્યુઅલ (MT) અને 5-સ્પીડ ઓટોમેટિક (AMT) ગિયરબોક્સના વિકલ્પો મળે છે.
- મેન્યુઅલ વેરિઅન્ટ: અંદાજે 19.3 કિમી/લિટરની માઈલેજ.
- ઓટોમેટિક વેરિઅન્ટ: અંદાજે 19.6 કિમી/લિટરની માઈલેજ.
પ્રીમિયમ ફીચર્સ અને સેફ્ટી
ઓછી કિંમત હોવા છતાં નિસાને ફીચર્સમાં કોઈ બાંધછોડ કરી નથી. કારમાં 8-ઇંચની ટચસ્ક્રીન ઇન્ફોટેનમેન્ટ સિસ્ટમ છે જે વાયરલેસ એપલ કારપ્લે અને એન્ડ્રોઇડ ઓટોને સપોર્ટ કરે છે. આ ઉપરાંત 7-ઇંચનું ડિજિટલ ડ્રાઇવર ડિસ્પ્લે, પુશ બટન સ્ટાર્ટ, વાયરલેસ ચાર્જિંગ અને ક્રૂઝ કંટ્રોલ જેવી આધુનિક સુવિધાઓ આપવામાં આવી છે.
સુરક્ષાની દૃષ્ટિએ પણ આ કાર મજબૂત છે. તેમાં 6 એરબેગ્સ (સ્ટાન્ડર્ડ), ઈલેક્ટ્રોનિક સ્ટેબિલિટી કંટ્રોલ (ESC), ABS સાથે EBD, રિયર પાર્કિંગ સેન્સર વિથ કેમેરા અને ટાયર પ્રેશર મોનિટરિંગ સિસ્ટમ (TPMS) જેવા ફીચર્સ ઉપલબ્ધ છે.
