બેલ્જિયમમાં કોરોના નો બીજો તબકકો શરૂ થતાં કોરોના.ના કેસ વધતાં તા.13મી ડિસેમ્બર સુધી ફરી લોકડાઉન જાહેર કરી દેવામાં આવ્યું છે પરિણામે સુરત ના હીરા ઉદ્યોગમાં ચિંતા પ્રસરી છે. હાલ સુરત માં 50 ટકાથી વધુ રફ ડાયમંડ બેલ્જિયમથી આવે છે, ત્યારે નાના હીરા ઉદ્યોગકારોને રફ ડાયમંડનો સ્ટોક મેળવવામાં તકલીફ ઉભી થતા ચિંતા વ્યક્ત કરાઈ રહી છે.
વિદેશ માં ઘણાં દેશો અને શહેરોમાં કોરોના નો બીજો રાઉન્ડ શરૂ થતાં લોકડાઉન લાગુ કરવામાં આવી રહ્યું છે. જેમાંનુ એક બેલ્જિયમમાં પણ છે. બેલ્જિયમ મોટાભાગે રફ ડાયમંડ માટેનું સેન્ટર ગણવામાં આવે છે. એક અંદાજ પ્રમાણે 50 ટકાથી વધુ રફ ડાયમંડનો સ્ટોક બેલ્જિયમથી આવતો હોઈ છે. સામી દિવાળીએ બેલ્જિયમમાં જાહેર થયેલા લોકડાઉનના કારણે ભારતમાં થતાં વેકેશન દરમિયાન જે હીરા ઉદ્યોગકારો રફ ડાયમંડ લેવા માટે ત્યાં જતાં હતા. તે હવે જઈ શકશે નહીં. જેના કારણે નાના હીરા ઉદ્યોગકારોને ક્રિસમસ સિઝન માટે રફ ડાયમંડનો મળતો સ્ટોક અટકે તેવી ચિંતા વ્યક્ત કરાઈ રહી છે.
પ્રથમ લોકડાઉન સર્જાવવાના કારણે સુરતમાં આવતાં રફ ડાયમંડ અને એક્સપોર્ટ થતાં પોલિશ્ડના સ્ટોકને મોટી અસર થઈ હતી. રફ 10થી 15 ટકા પ્રિમિયમે પણ વેચાણ થઈ હતી. જોકે, બીજા લોકડાઉનમાં બેલ્જિયમ ગર્વમેન્ટ દ્વારા ડાયમંડ વેપાર માટે છુટ આપવામાં આવી છે પરંતુ વત્તા-ઓછા પ્રમાણમાં સ્ટોકને અસર થાય તેવી શક્યતાઓ વ્યક્ત કરાઈ રહી છે ત્યારે કોરોના એ વિશ્વ માં ધંધા રોજગારી ને મોટેપાયે અસર પહોંચાડી છે.
