સુરતના કેફેમાં 16 વર્ષીય સગીરા ને ઘેનયુક્ત કોફી પીવડાવી સાથી કર્મચારી એ કર્યો બળાત્કાર

સુરત ના સલાબતપુરામાં પ્લાસ્ટિકની થેલીઓ બનાવવાના ખાતામાં કામ કરતા સાથી કર્મચારીએ 16 વર્ષની કિશોરીને લિંબાયતના કેફેમાં લઈ જઈ ઘેનયુક્ત કોફી પીવડાવી કપલ બોક્સમાં લઈ જઈ બળાત્કાર કરવા મામલે પોલીસે આરોપીને ઝડપી પાડ્યો હતો.
સલાબતપુરા પોલીસના જણાવ્યા મુજબ, લિંબાયતની 16 વર્ષીય શબનમ ( નામ બદલ્યું છે) આંજણા ફાર્મ ખાતે પ્લાસ્ટિકની થેલીઓ બનાવવાના ખાતામાં નોકરી કરે છે. તેની માતા પણ તે જ ખાતામાં નોકરી કરે છે. શબનમ ની સાથે નિખિલ નામનો યુવક પણ નોકરી કરતો હતો. 3 જાન્યુઆરીના રોજ શબનમ કામ પર ગઈ હતી. ત્યારે નિખિલે એવું કહ્યું કે બધા કોફી પીવા જાય છે તો આપણે પણ જઈએ. પહેલાં તો શબનમે કોફી પીવા જવા માટે ઇન્કાર કર્યો હતો પરંતુ નિખિલે તેને કોફી પીવા જવા માટે વારંવાર જણાવતા આખરે શબનમ તૈયાર થઈ હતી.
ત્યાર બાદ એક રિક્ષામાં ચારેય જણા નીકળ્યા હતા અને લિંબાયત કેફેમાં ગયા હતા ત્યારબાદ તેઓ સાથે રહેલા બે જણા ત્યાંથી નીકળી ગયા હતા અને ત્યારબાદ યુવકે યુવતીને ઘેનયુક્ત કોફી પીવડાવી રેપ કર્યો હતો. બુધવારે શબનમે  નિખિલ વિરુદ્ધ ફરિયાદ નોંધાવી હતી. સલાબતપુરા પીઆઇ એમ.વી.કિકાણીએ આરોપી નિતીશ કુમાર ઉર્ફે નિખિલ પ્રેમકુમાર સહાની(રહે. આંજણા, સલાબતપુરા)ને ઝડપી પાડ્યો હતો.
લિંબાયતમાં એક કાફેમાં ગયા બાદ ત્યાંથી નિખિલના બંને સાથી કર્મચારીઓ બીજે કોઈ જગ્યાએ નીકળી ગયા બાદમાં નિખિલે શબનમ ને કોફી પીવડાવી હોવાનું સામે આવ્યું છે તે કોફીમાં ઘેનવાળો પદાર્થ ભેળવેલો હોય તે પીધા બાદ થોડીવાર માટે શબનમ બેહોશ થઈ ગઇ તે સમયે નિખિલે શબનમ સાથે બળાત્કાર ગુજાર્યો હતો. શબનમ ભાનમાં આવતા તેને ખ્યાલ આવી ગયો હતો કે તેની સાથે શું થયું છે. તે ખાતા પર આવી ત્યારે તેણીએ તેની માતાને કહ્યું કે તેની તબિયત સારી નથી કહી શબનમ ઘરે નીકળી ગઈ હતી. બીજા દિવસે તેણે તમામ હકીકત માતા ને જણાવતા માતા ચોંકી ઉઠી હતી અને હવસખોર વિરુદ્ધ પોલીસ મથક માં ફરિયાદ નોંધાવી હતી.