સુરત માં સ્વ.ગ્રીષ્મા ની અંતિમયાત્રા માં મોટી સંખ્યા માં લોકો જોડાયા : હત્યારા સામે આક્રોશ

સુરતમાં ફેનિલ ગોયાણી નામના યુવાને ગ્રીષ્મા વેકરિયા નામની યુવતી ની એકતરફી પ્રેમમાં હત્યા કર્યા બાદ ત્રીજા દિવસે અંતિમયાત્રા નીકળી હતી જેમાં મોટી સંખ્યા માં લોકો જોડાયા હતા.
દિવ્યાંગ પિતા આફ્રિકાથી આવ્યા બાદ તેઓ ને દીકરી ગ્રીષ્માની હત્યા થઈ હોવાની જાણ કરાઈ હતી. ત્યારે દીકરીને દુલ્હનની જેમ ઘરેથી વિદાય કરવાના સપના જોતા પિતા દીકરીને ડોલીની જગ્યાએ નનામીમાં જોઈને પડી ભાંગ્યા હતા. દિવ્યાંગ માતા-પિતાએ દીકરીની અંતિમ યાત્રા વખતે કરેલા કાળા કલ્પાંત અને હૈયાફાટ રુદનથી અંતિમ યાત્રામાં આવેલા સમાજ અને પરિવારના તમામ લોકોની આંખો ભીની થઈ ગઈ હતી.
બીજી તરફ, અંતિમ યાત્રાને લઈને સોસાયટીને કોર્ડન કરવામાં આવી છે. મહિલાઓ મોટી સંખ્યામાં આવી રહી છે. પોલીસનો પણ ચુસ્ત બંદોબસ્ત ખડકી દેવાયો છે. સમગ્ર વિસ્તારમાં જિલ્લા પોલીસનો કાફલો ગોઠવી દેવાયો છે. અંતિમ યાત્રામાં મોટી સંખ્યા માં લોકો જોડાયા હતા અને રોમિયો અને ટપોરી ફેનીલ સામે આક્રોશ જોવા મળ્યો હતો.