ગુજરાતના દારુબંધીના નામે હવે હદ પાર થઈ રહી છે. સુરતની વાત કરીએ તો મનપાની ગાડીમાં દારૂની હેરાફેરી કરતો વીડિયો સામે આવ્યો છે. ગાડીનો ડ્રાઇવર પણ દારૂ પીધેલી હાલતમાં ઝડપાયો છે.
મળતી માહિતી પ્રમાણે પાલિકા દ્વારા કોન્ટ્રાક્ટમાં લેવામાં આવેલી પાલિકાની જ એક ગાડીમાંથી દારૂની બોટલ મળી આવી હતી. જ્યારે બીજી બાજુ બીઆરટીએસની બસનો એક ડ્રાઈવર પીધેલી હાલતમાં બસ ચાલતો હોવાનું જણાતા હોબાળો મચી ગયો હતો. આ બંનેના વીડિયો કોંગ્રેસના નગરસેવક દિનેશ કાછડિયા દ્વારા સોશિયલ મીડિયામાં અપલોડ કરવામાં આવ્યા છે અને સવાલો ઉભા કર્યા છે.
મળતી માહિતી પ્રમાણે, સિમાડા ગામ જતા રસ્તા પર 11 ફેબ્રુઆરીના રોજ સ્વચ્છ સુરત, સુંદર સુરતના બેનર સાથેનો એક પાલિકાનો ટ્રક (GJ-05-G-9442) પસાર થઈ રહ્યો હતો. જેમાં કોંગ્રેસના નગરસેવક દિનેશ કાછડિયાએ તપાસ કરતા ડ્રાઈવર પીધેલી હાલતમાં હતો. ડ્રાઈવર પાસે ફિટનેસ સર્ટી પણ ન હતું અને ટ્રકમાં દારૂની બોટલ પણ હતી. ટ્રકની નંબર પ્લેટ પણ નવા કાયદા પ્રમાણે ન હતી.