OpenAI સામે મોટા આરોપો, ભારતમાં સમસ્યાઓ વધી શકે છે, દિલ્હી હાઈકોર્ટે નોટિસ મોકલીને જવાબ માંગ્યો
OpenAI: દિલ્લી હાઈકોર્ટે અમેરિકાની OpenAI કંપનીને નોટિસ ફટકારી છે. કોર્ટએ OpenAI ને ઇન્ડિયન મ્યુઝિક ઇન્ડસ્ટ્રી (IMI) ની એક અરજીનો જવાબ આપવા કહ્યું છે. આ પહેલાં સમાચાર એજન્સી ANI એ પણ OpenAI વિરુદ્ધ કૉપિરાઈટ ઉલ્લંઘનનો કેસ કર્યો હતો, જેમાં હવે IMI પણ જોડાવા માગે છે.
OpenAI પર શું આરોપ છે?
ANI ના આરોપ અનુસાર, OpenAI એ તેમની મંજૂરી લીધા વગર ChatGPT મોડલના ટ્રેનિંગ માટે તેમનું કન્ટેન્ટ વાપર્યું છે. IMI, જે ટી-સીરીઝ, સારેગામા અને સોની મ્યુઝિક જેવી મોટી બોલીવુડ મ્યુઝિક લેબલ્સનું પ્રતિનિધિત્વ કરે છે, તેણે પણ OpenAI પર એવું જ આરોપ લગાવ્યો છે. IMI નું કહેવું છે કે OpenAI એ તેમના સંગીત અને સાઉન્ડ રેકોર્ડિંગ્સની મંજૂરી વિના AI ટ્રેનિંગ માટે ઉપયોગ કર્યો છે.
સંગીત ઉદ્યોગની ચિંતા
મ્યુઝિક કંપનીઓને ભય છે કે OpenAI અને અન્ય AI સંસ્થાઓ તેમના ગીતો, લિરિક્સ, મ્યુઝિક કમ્પોઝિશન અને સાઉન્ડ રેકોર્ડિંગ્સને ઇન્ટરનેટ પરથી મેળવી શકે છે, જે કૉપિરાઈટ ઉલ્લંઘન છે. જર્મની સહિત અન્ય દેશોમાં પણ OpenAI વિરુદ્ધ આવા કેસ નોંધાયા છે.
કોર્ટની ટિપ્પણી
સોમવારે સુનાવણી દરમિયાન, હાઈકોર્ટે કહ્યું કે દરેક સંસ્થાએ પોતાનો અલગ કેસ દાખલ કરવો જોઈએ અને દરેકને ANI કેસમાં સામેલ કરી શકાતું નથી. હવે આ કેસની આગામી સુનાવણી 21 ફેબ્રુઆરીએ થશે. અમેરિકામાં, OpenAI સામે પણ કોપીરાઈટ કેસ ચાલી રહ્યા છે, જેમાં ન્યૂ યોર્ક ટાઈમ્સ સહિત ઘણી કંપનીઓ મોટી રકમના વળતરની માંગ કરી રહી છે.
