WhatsAppમાં આવી રહ્યું છે આકર્ષક ફીચર, ફોન બદલતી વખતે કોન્ટેક્ટ નંબર સેવ કરવાની જરૂર નહીં પડે.

WhatsApp: જો તમે ઇન્સ્ટન્ટ મેસેજિંગ એપ WhatsAppનો ઉપયોગ કરો છો તો તમારા માટે સારા સમાચાર.

WhatsApp એક લોકપ્રિય ઇન્સ્ટન્ટ મેસેજિંગ એપ્લિકેશન છે. વિશ્વભરમાં 3 અબજથી વધુ સ્માર્ટફોન વપરાશકર્તાઓ તેનો ઉપયોગ કરે છે. WhatsApp તેના સરળ ઈન્ટરફેસ અને મજબૂત ગોપનીયતા જાળવવાની સુવિધાઓને કારણે એક પ્રિય એપ્લિકેશન બની ગઈ છે. તેના યુઝર્સની સુવિધા માટે કંપની સમયાંતરે નવા ફીચર્સ લાવતી રહે છે.

તાજેતરમાં વોટ્સએપે ઘણી બધી સુવિધાઓ રજૂ કરી છે અને ઘણી નવી સુવિધાઓ વિકાસના તબક્કામાં છે. જો તમે પણ વ્હોટ્સએપ યુઝર છો, તો તમારા માટે સારા સમાચાર એ છે કે કંપની એક નવું ફીચર લાવી છે. વોટ્સએપનું નવું ફીચર ‘કોન્ટેક્ટ સિંકિંગ’ છે. આ ફીચરનું નામ જ સૂચવે છે કે તેની મદદથી યુઝર્સ તેમના કોન્ટેક્ટ્સને સરળતાથી સેવ કરી શકશે.

Wabetainfoએ માહિતી શેર કરી છે

વોટ્સએપના લેટેસ્ટ ‘કોન્ટેક્ટ સિંકિંગ’ ફીચર વિશે માહિતી કંપનીના અપડેટ્સ અને આવનારા ફીચર્સ પર નજર રાખતી વેબસાઈટ Wabetainfo દ્વારા તેના રિપોર્ટમાં આપવામાં આવી છે. WhatsApp info અનુસાર, આ ફીચરને એન્ડ્રોઇડ વર્ઝન 2.24.19.12 માટે WhatsApp બીટામાં નવા ફીચર તરીકે જોવામાં આવ્યું છે.

વોટ્સએપના નવા ફીચરનું નામ ‘કોન્ટેક્ટ સિંકિંગ’ પોતે જ સૂચવે છે કે તે વપરાશકર્તાઓને સંપર્કોને સાચવવામાં મદદ કરશે. કંપનીએ હાલમાં આ ફીચર બીટા યુઝર્સ માટે રોલ આઉટ કર્યું છે પરંતુ એવું માનવામાં આવે છે કે ટેસ્ટિંગ પૂર્ણ થયા બાદ તે ટૂંક સમયમાં તમામ યુઝર્સ માટે રોલઆઉટ કરવામાં આવશે. વોટ્સએપનું આ ફીચર એવા યૂઝર્સને ખૂબ મદદરૂપ થશે જેઓ વારંવાર ડિવાઈસ ચેન્જ કરે છે.

નવા ફીચરથી યુઝર્સને મોટી મદદ મળશે

‘કોન્ટેક્ટ સિંકિંગ’ ફીચર રોલઆઉટ થયા પછી, જો તમે નવો સ્માર્ટફોન વાપરો છો, તો તમારા WhatsAppમાં સેવ કરેલા કોન્ટેક્ટ્સ આપમેળે બીજા સ્માર્ટફોનમાં સેવ થઈ જશે. આ આવનારી ફીચરને લઈને Wabateinfo દ્વારા સ્ક્રીનશોટ પણ શેર કરવામાં આવ્યો છે. સ્ક્રીનશૉટમાં બતાવવામાં આવ્યું છે કે તમે વૉટ્સએપ કૉન્ટેક્ટ્સનું ટૉગલ ઑન કરતાં જ તમારા વૉટ્સએપ એકાઉન્ટના નંબર ઑટોમૅટિક રીતે સિંક થઈ જશે.