દુનિયાની સૌથી હલકી ઈલેક્ટ્રિક કાર! Longbow એ લોન્ચ કરી નવી Speedster, સિંગલ ચાર્જમાં આપશે 443 કિમીની રેન્જ

ઇલેક્ટ્રિક કારની દુનિયામાં નવી ક્રાંતિ: 900 કિલોથી પણ ઓછા વજનવાળી ‘લોન્ગબો સ્પીડસ્ટર’ એ ટેસ્લાને આપી પડકાર

ઇલેક્ટ્રિક વાહન (EV) ઉદ્યોગમાં જ્યાં કંપનીઓ પોતાની કારને વધુ વજનદાર અને લક્ઝરી બનાવવામાં લાગેલી છે, ત્યાં યુકેની સ્ટાર્ટઅપ કંપની લોન્ગબો (Longbow) એ પોતાની ‘સ્પીડસ્ટર’ (Speedster) પ્રોટોટાઇપ કારથી સૌને ચોંકાવી દીધા છે. આ કારને “ફેધરવેટ ઇલેક્ટ્રિક વ્હીકલ” (FEV) તરીકે વ્યાખ્યાયિત કરવામાં આવી છે, જેનું વજન 900 કિલોગ્રામથી પણ ઓછું છે.

રફ્તાર અને પાવરનો અદભૂત સંગમ

લોન્ગબો સ્પીડસ્ટરની સૌથી મોટી ખાસિયત તેનો પાવર અને વજનનો 1:1 ગુણોત્તર (Ratio) છે. આ કારમાં 900 હોર્સપાવરની તાકાત છે, જે તેને વિશ્વની સૌથી મોંઘી હાઇપરકારની શ્રેણીમાં લાવીને ઉભી રાખે છે. પ્રદર્શનની વાત કરીએ તો, તે માત્ર 3.5 સેકન્ડમાં 0 થી 100 કિમી/કલાકની ઝડપ પકડી શકે છે અને તેની રેન્જ અંદાજે 442 કિલોમીટર (WLTP) સુધી હોવાનો અંદાજ છે.

અનુભવી દિગ્ગજોની ટીમ અને વિઝન

લોન્ગબોના સહ-સ્થાપક ડેનિયલ ડેવી અને માર્ક ટેપાસ્કોટ છે, જેઓ અગાઉ ટેસ્લા અને લ્યુસિડ મોટર્સ જેવી કંપનીઓમાં ઉચ્ચ હોદ્દા પર કામ કરી ચૂક્યા છે. તેમનું વિઝન એવી સ્પોર્ટ્સ કાર બનાવવાનું છે જે ચલાવવામાં રોમાંચક હોય. માર્કનું માનવું છે કે આધુનિક કારો જરૂર કરતા વધારે વજનદાર અને ફીચર્સથી ભરેલી છે, જ્યારે લોન્ગબોએ બિનજરૂરી ફીચર્સ હટાવીને વજન ઘટાડવા અને ડ્રાઇવિંગ અનુભવને બહેતર બનાવવા પર ધ્યાન કેન્દ્રિત કર્યું છે.

ઓટો સેક્ટરમાં મોટો બદલાવ: મારુતિ અને હીરોની ફ્લેક્સ-ફ્યુલ ગાડીઓથી ભારતને થશે આ મોટો ફાયદો

નવી કાર લેવાનું સપનું થશે પૂરું: ટાટાની આ લોકપ્રિય કારો પર મળી રહી છે મોટી બચત!

શ્રેષ્ઠ એન્જિનિયરિંગ અને સુરક્ષા

આ કારના નિર્માણમાં એલ્યુમિનિયમ ચેસિસ અને કાર્બન-કમ્પોઝિટ મોનોકોકનો ઉપયોગ કરવામાં આવ્યો છે. સૂત્રોના જણાવ્યા અનુસાર, આ કાર માત્ર ઝડપી જ નથી પણ સુરક્ષિત પણ છે. ઓછા વજનને કારણે તેની સ્ટોપિંગ ડિસ્ટન્સ (રોકાવાનું અંતર) 2-ટનની ભારે કારની સરખામણીમાં 40% ઓછું છે. આ ઉપરાંત, કારની ડિઝાઇનમાં ‘મોડ્યુલર કોન્સેપ્ટ’ (Modular Concept) નો ઉપયોગ કરવામાં આવ્યો છે, જેનાથી તેના વિવિધ ભાગોને સરળતાથી એસેમ્બલ અને ટેસ્ટ કરી શકાય છે.