‘પ્રેમ હંમેશા બુલંદ રહે છે…’, તૃષા કૃષ્ણને વિજયના શપથ ગ્રહણ બાદ કરી એવી પોસ્ટ કે ફેન્સ પણ ચોંકી ગયા!
તમિલનાડુના રાજકારણમાં નવો ઇતિહાસ રચાયો છે, પણ તેની સાથે જ મનોરંજન જગતની એક જૂની અફવાએ ફરી જોર પકડ્યું છે. અભિનેત્રી તૃષા કૃષ્ણન અને વિજય વચ્ચેના કથિત સંબંધો વિશે વર્ષોથી ચર્ચાઓ ચાલી રહી છે. જ્યારે વિજયે મુખ્યમંત્રી પદના શપથ લીધા, ત્યારે બધાની નજર તેમની પત્ની સંગીતા પર હતી, પરંતુ સ્ટેડિયમમાં જે ચહેરો સૌથી વધુ ચમક્યો તે તૃષાનો હતો.
શપથ ગ્રહણ સમારોહમાં તૃષાની હાજરી અને લાઈમલાઈટ
ચેન્નાઈના જવાહરલાલ નેહરુ સ્ટેડિયમમાં જ્યારે વિજય શપથ લઈ રહ્યા હતા, ત્યારે પહેલી હરોળમાં તૃષા કૃષ્ણન હાજર હતી. વિજયના ફેન્સ આશા રાખી રહ્યા હતા કે આ ખાસ પ્રસંગે વિજયની પત્ની સંગીતા અને તેમના બાળકો જોવા મળશે, પરંતુ સંગીતાની ગેરહાજરી અને તૃષાની હાજરીએ અનેક સવાલો ઉભા કર્યા.
તૃષા માત્ર હાજર જ નહોતી, પરંતુ તે ખૂબ જ ઉત્સાહિત જણાતી હતી. મીડિયા રિપોર્ટ્સ અનુસાર, કાર્યક્રમ બાદ તે વિજયના માતા-પિતા સાથે પણ ઘણી સહજ જોવા મળી હતી. આ દ્રશ્યોએ એ અફવાઓને વધુ બળ આપ્યું કે વિજય અને સંગીતાના છૂટાછેડાની વાતો પાછળ તૃષા એક મોટું કારણ હોઈ શકે છે.
સોશિયલ મીડિયા પોસ્ટ: “લવ ઈઝ ઓલવેઝ લાઉડ”
શપથ ગ્રહણ સમારોહ પૂરો થયા બાદ તૃષાએ ઇન્સ્ટાગ્રામ પર પોતાની કેટલીક સુંદર તસવીરો શેર કરી. આ તસવીરોમાં તેણે એ જ વાદળી રંગની સાડી પહેરી છે જે શપથ ગ્રહણ વખતે પહેરી હતી. પરંતુ તસવીરો કરતા પણ વધુ ચર્ચા તેના કેપ્શનની થઈ રહી છે. તૃષાએ લખ્યું – ‘Love is always loud’ (પ્રેમ હંમેશા બુલંદ રહે છે).
ફેન્સ આ કેપ્શનને સીધું વિજય સાથે જોડી રહ્યા છે. લોકોનું કહેવું છે કે, અત્યાર સુધી બંને છૂપી રીતે રિલેશનશિપમાં હતા, પરંતુ હવે વિજય મુખ્યમંત્રી બન્યા છે અને તૃષાએ જે રીતે જાહેરમાં હાજરી આપી છે, તે સાબિત કરે છે કે તે હવે પોતાના પ્રેમને છુપાવવા માંગતી નથી.
વિજય અને તૃષાના સંબંધોનું રહસ્ય
વિજય અને તૃષાએ ઘણી હિટ ફિલ્મોમાં સાથે કામ કર્યું છે. તેમની ઓન-સ્ક્રીન કેમિસ્ટ્રી હંમેશા સુપરહિટ રહી છે. જોકે, છેલ્લા કેટલાક સમયથી એવી ચર્ચાઓ છે કે વિજય અને તેમની પત્ની સંગીતા વચ્ચે બધું બરાબર નથી. સંગીતા ઘણા સમયથી વિજય સાથે કોઈ જાહેર કાર્યક્રમમાં જોવા મળી નથી. બીજી તરફ, વિજયના દરેક મહત્વના વળાંક પર તૃષા તેની સાથે ઉભી જોવા મળે છે. વિજયના રાજકીય પક્ષ TVK ની પ્રથમ રેલી હોય કે આ શપથ ગ્રહણ, તૃષાની હાજરી અનિવાર્ય બની ગઈ છે.
જ્યોતિષીની ભવિષ્યવાણી અને વિવાદ
આ વિવાદમાં તેલુગુ જ્યોતિષી વેણુ સ્વામીની ભવિષ્યવાણીએ પણ ઘી હોમવાનું કામ કર્યું છે. વેણુ સ્વામીએ દાવો કર્યો હતો કે વિજયની રાજકીય સફળતા પાછળ તૃષાના ગ્રહોનો મોટો હાથ છે. જોકે, તેમણે એક ડરામણી ચેતવણી પણ આપી છે કે તૃષાને કારણે જ વિજયની સરકાર અને રાજકીય કરિયર પર સંકટ આવી શકે છે. જોકે, તૃષાએ આ જ્યોતિષી સામે કાયદેસરની કાર્યવાહી કરવાની પણ તૈયારી કરી હતી, પરંતુ આ અફવાઓ અટકવાનું નામ લેતી નથી.
ફેન્સની મિશ્ર પ્રતિક્રિયા
તૃષાની આ પોસ્ટ પર વિજયના ચાહકો બે ભાગમાં વહેંચાઈ ગયા છે. કેટલાક ચાહકોને આ જોડી ખૂબ ગમે છે અને તેઓ માને છે કે જો વિજય ખુશ હોય તો તેમને કોઈ વાંધો નથી. બીજી તરફ, પરંપરાગત ચાહકો સંગીતાની ગેરહાજરીથી નારાજ છે. સોશિયલ મીડિયા પર કોમેન્ટ્સનો મારો ચલાવતા એક યુઝરે લખ્યું, “તૃષા હવે ખુલ્લેઆમ મેદાનમાં આવી ગઈ છે,” જ્યારે બીજાએ લખ્યું, “શપથ વિજયે લીધા પણ જીત તૃષાની થઈ હોય તેવું લાગે છે.”
