ગુજરાતની ફાર્મા કંપનીને જાણો ક્યો મોટો કોન્ટ્રાક્ટ મળ્યો છે, કોરોના સામે લડવા માટે ગુજરાત અગ્રેસર રહેશે

ગાંધીનગર – કોરોના સંક્રમણ સામે લડવા માટે વિશ્વના વૈજ્ઞાનિકો રસી અને દવાની શોધ કરી રહ્યાં છે ત્યારે ભારતમાં પણ સંશોધન અલગ અલગ તબક્કે ચાલી રહ્યાં છે. ગુજરાત પણ સંશોધન ક્ષેત્રમાં પાછળ નથી. એવું લાગે છે કે કોરોના સામે લડવાની દવા ગુજરાતની ફાર્મા કંપની બનાવશે.

કોરોના સામે લડવા માટે તાજેતરમાં મંજૂર થયેલી એન્ટી વાયરલ ડ્રગ રેમડેસિવિરના ઉત્પાદનમાં ભારત અને પાકિસ્તાની પાંચ કંપનીઓ સાથે અમેરિકાની દિગ્ગજ ફાર્મા કંપની ગિલેડે કરાર કર્યા છે. યુએસ સ્થિત ગિલેડ સાયન્સે પાંચ ફાર્માસ્યુટિકલ કંપની સિપ્લા, હેટેરો લેબ્સ, જ્યુબિલિયન્ટ લાઈફ સાયન્સ, મ્યલાન અને પાકિસ્તાન સ્થિત ફેરોઝસન્સ લેબ સાથે રેમડેસિવિરના ઉત્પાદન અને વેચાણ માટે કરાર કર્યા છે.

આ પાંચ કંપનીઓ વિશ્વના 127 દેશમાં તેનું વેચાણ કરી શકે છે. કોરોના વાયરસની સારવારમાં શરીરના ફેફસા, હૃદ્ય અને અન્ય અંગો પર ખરાબ અસર રોકવા માટે એબોલા ડ્રગ્સમાં ફેરફાર કરીને એન્ટી વાયરલ ડ્રગ રેમડેસિવિરની શોધ કરવામાં આવી હતી. ગિલેડે 127 દેશોમાં વેચાણ પરવાનો ભારતની કંપનીઓને આપ્યો છે પરંતુ, આ 127 દેશો ગરીબ અથવા મધ્યમ અને મધ્યમ ગરીબ દેશોનો સમાવેશ થાય છે.

ગિલેડ દવા માટેની ટેક્નોલોજી કંપનીઓને આપશે પરંતુ, જે તે દેશ પાસેથી કંપનીઓએ પરવાનગી મેળવવાની રહેશે. ભારતમાં પણ આ દવાના ઉત્પાદન અને વેચાણ માટે પણ ભારત સરકારે તજવીજ શરૂ કરી છે અને દવાની અસર ખરેખર ફાયદાકારક છે કે શું તે અંગેની સંભાવનાઓ તપાસી રહ્યાં છે.