US Visa Policy For Indians યુએસ વિઝા માટે નવા નિયમો: મંજૂરી બાદ પણ ચાલુ રહેશે તપાસ
US Visa Policy For Indians અમેરિકા હવે પોતાના વિઝા અને ઇમિગ્રેશન નીતિમાં વધુ કડક વલણ અપનાવી રહ્યું છે. તાજેતરમાં યુએસ એમ્બેસીએ ભારતમાં એક મહત્વપૂર્ણ એડવાઈઝરી જાહેર કરી છે, જેમાં જણાવાયું છે કે વિઝા મળ્યા પછી પણ અરજદારો ઉપર સરકારની સતત નજર રહેશે. યુએસ કાયદા અને ઇમિગ્રેશન નિયમોનું પાલન નહીં કરનારાઓના વિઝા કોઈપણ સમયે રદ કરી શકાય છે.
સોશિયલ મીડિયા માહિતી ફરજિયાત, ગોપનીયતા હોવી જોઈએ જાહેર
દૂતાવાસ દ્વારા વધુમાં જણાવાયું કે વિઝા માટે અરજદારોએ છેલ્લા પાંચ વર્ષમાં ઉપયોગમાં લીધેલા તમામ સોશિયલ મીડિયા એકાઉન્ટ્સના હેન્ડલ્સ આપવાં ફરજિયાત છે. ઉપરાંત, અરજદારે પોતાના સોશિયલ મીડિયા એકાઉન્ટની ગોપનીયતા સેટિંગ્સ “Public” રાખવી આવશ્યક છે, જેથી તેમની ઓળખ અને યુએસમાં તેમની મંજૂરી સરળતાથી ચકાસી શકાય.
ગેરકાયદેસર પ્રવેશ અટકાવવાનો ઉદ્દેશ
આ પગલાનું મુખ્ય ઉદ્દેશ અમેરિકામાં વધતી જઈ રહેલી ગેરકાયદેસર પ્રવેશની પ્રવૃત્તિઓને રોકવો છે. દૂતાવાસે સ્પષ્ટપણે કહ્યું છે કે વિઝા મંજૂર થવાને અંતિમ સ્ટેપ માનવામાં નહીં આવે. વિઝા આપવામાં આવ્યા પછી પણ યુએસ હોમલેન્ડ સિક્યોરિટી અને અન્ય એજન્સીઓ વિઝા ધારકોની પૃષ્ઠભૂમિ, વર્તન અને દરેક પ્રવૃત્તિની સતત તપાસ કરશે.
U.S. visa screening does not stop after a visa is issued. We continuously check visa holders to ensure they follow all U.S. laws and immigration rules – and we will revoke their visas and deport them if they don’t. pic.twitter.com/jV1o6ETRg4
— U.S. Embassy India (@USAndIndia) July 12, 2025
વિઝા ધારકો માટે મહત્વપૂર્ણ સૂચનાઓ
વિઝા માટે અરજી કરનારાઓ અને વિઝા ધારકોને ચેતવણી આપવામાં આવી છે કે તેઓ કોઈપણ પ્રકારના ખોટા દસ્તાવેજો, ખોટી માહિતી કે નિયમોના ઉલ્લંઘનથી દૂર રહે. સામાજિક મીડિયા પર અપલોડ કરેલા માહિતી પણ તેમની વિઝા સ્થિતિને અસર કરી શકે છે. જો કોઇ વ્યક્તિ એશિયાના કાયદાઓનું ઉલ્લંઘન કરશે, તો તેને વિઝા રદ કરીને દેશમાંથી હાંકી કાઢવામાં આવશે.
અમેરિકામાં જવાનો ઇરાદો ધરાવનારા ભારતીયો માટે આ એડવાઈઝરી મહત્વપૂર્ણ છે. દરેક અરજદારે તમામ નિયમોનું પાલન કરવું જરૂરી છે અને યોગ્ય દસ્તાવેજો સાથે વિઝાની પ્રક્રિયા કરવી જોઈએ. યુએસમાં પ્રવેશ મેળવવો હવે માત્ર વિઝા મળવાથી પૂરતું નથી—નિયમોનું પાલન પણ એજટલી જરૂરી છે.
