પોતાના અનુયાયી ને સુરત સત્સંગ માં મોકલી વડોદરા માં ચમત્કારી બાબા એ અનુયાયી ની જ પત્ની સાથે સાત વખત ‘સેક્સ’ માણ્યું !

વડોદરાઃ આજકાલ હવસખોર બાબાઓ ધાર્મિકતા ની આડ માં કેટલીય સારા ઘરની યુવતીઓ , મહિલાઓ અને બાળકીઓ ની ઈજ્જત લૂંટતા હોવાના અહેવાલો અખબારો માં આવતા હોવાછતાં લોકો બાબાઓ ની વાતો માં આવી જઇ પોતાના ઘરની મહિલાઓ ને આવા બાબા ના હવાલે કરી દઈ અધોગતિ નોતરતા હોવાનો કિસ્સો પ્રકાશ માં આવ્યો છે. હાલ માં વડોદરા માં ઠગાઇના બે કેસમાં જેલની હવા ખાઇ રહેલા બગલામુખી મંદિરના બાબા પ્રશાંત સામે બાબા ના જ અનુયાયી ની યુવાન પરણીતા પોતાના ઉપર બાબા એ સાત વાર સેક્સ માણ્યું હોવા અંગે ની ફરિયાદ નોંધાવતાં ભારે ખળભળાટ મચી ગયો છે. પોતાની પારિવારિક મુશ્કેલીઓથી ત્રાસેલી મહિલાએ પ્રશાંત બાબાને પોતાની વ્યથા સંભળાવતાં પ્રશાંતે તેની લાચારીનો ફાયદો ઉઠાવી સતત દુષ્કર્મ કર્યું હતું. તને દૈવી સ્વરૂપ પ્રાપ્ત થશે, તારે થોડો ભોગ આપવો પડશે, તેમ જણાવી પ્રશાંતે સાત વખત દુષ્કર્મ કર્યું હતું. પોલીસે પ્રશાંત ઉપાધ્યાય સામે ગુનો નોંધી તપાસ શરૂ કરી હતી
વડોદરા શહેરના દક્ષિણ વિસ્તારમાં રહેતી 28 વર્ષીય પરણિત યુવતી એ પ્રશાંત ઉપાધ્યાય સામે નોંધાવેલી ફરિયાદમાં જણાવ્યું હતું કે, બગલામુખી મંદિરનો પ્રશાંત ઉપાધ્યાય સમાજમાં ધર્મગુરુ તરીકે સ્થાન ધરાવતો હોવાથી તેનો પતિ પ્રશાંતના અનુયાયીઓ મારફતે પ્રશાંતના સંપર્કમાં આવ્યો હતો. તેનો પતિ પ્રશાંતના ગોત્રી રોડની દયાનંદ સોસાયટી ખાતેના રહેઠાણમાં સત્સંગ અને સેવા માટે જતો હતો. પતિએ તેને પ્રશાંતના સત્સંગની વાતો કરતાં નવેમ્બર-2016માં તે પણ પ્રશાંતના સત્સંગમાં જવા માંડી હતી. દરમિયાન તેના ઘરમાં પતિ અને સાસુના નાની બાબતોના ઝઘડા અને પારિવારિક મુશ્કેલીઓ હોવાથી તેણે ગુરુ તરીકે રહેલા પ્રશાંતને સમસ્યા જણાવી હતી. પરિણીતાએ સમસ્યા જણાવતાં પ્રશાંતે તેની સમસ્યાનું નિરાકરણ કરવા ભોગ આપવો પડશે તેમ જણાવ્યા બાદ મહિલા પ્રશાંતની વાતોમાં આવી ગઇ હતી.
પ્રશાંતે તેને બપોરે અઢી વાગે વોટ્સ એપ કોલ કરી મળવા બોલાવતાં તે બંને છોકરાઓને સુવડાવી પ્રશાંતના ઘેર ગઇ હતી. જ્યાં તે નીચે હોલમાં બેઠી હતી ત્યારે દિશા ઉર્ફે જોન નામની છોકરી આવી હતી અને ગુરુજી ઉપરના રૂમમાં બોલાવે છે તેમ કહેતાં તે ઉપરના રૂમમાં ગઇ હતી. જ્યાં પ્રશાંતે બારણું અંદરથી બંધ કરી તારી બધી તકલીફો તારું દૈવી સ્વરૂપ બનવાથી દૂર થઇ જશે, તેમ જણાવી અડપલાં કરવાનું શરૂ કર્યા બાદ જબરજસ્તી કરી તેની સાથે દુષ્કર્મ કર્યું હતું. ત્યારબાદ પ્રશાંતે મહિલાને બપોરના સમયે વારંવાર ફોન કરીને મળવા બોલાવી દુષ્કર્મ કર્યું હતું. 2017માં પણ તને દૈવી સ્વરૂપ પ્રાપ્ત થશે, તેમ કહી સતત દુષ્કર્મ કર્યું હતું. 2018માં પણ તેની સાથે બે-ત્રણવાર દુષ્કર્મ કર્યું હતું અને 2019માં પણ ત્રણ વાર દુષ્કર્મ કર્યું હતું. તેણે 2016થી 2019 સુધી સાતવાર પોતાની સાથે દુષ્કર્મ કર્યું હોવાની ફરિયાદ પોલીસ સમક્ષ કરતાં ગોત્રી પીઆઇ એ.બી. ગોહિલે તપાસ શરૂ કરી હતી.
મહિલાએ પોલીસને જણાવ્યું હતું કે, 2019માં બપોરના એક વાગે પ્રશાંતે વોટ્સ એપ કોલ કરી તેને મળવા બોલાવતાં તે પ્રશાંતના ઘેર ગઇ હતી, જ્યાં બીજા માળે પ્રશાંતે તેની સાથે દુષ્કર્મ કર્યું હતું. દુષ્કર્મ કર્યા બાદ પ્રશાંતે મહિલાને જણાવ્યું હતું કે, આપણે કોઇ પ્રિકોશન વાપર્યું નથી, તું મેડિકલ સ્ટોરમાંથી આઇ-પિલ નામની દવા લઇ લેજે. ત્યારબાદ પણ તેણે સતત તેની સાથે દુષ્કર્મ કર્યું હતું અને દરેક વખતે તેને સ્ટોરમાંથી આઇ-પિલ ગોળી લેવી પડતી હતી. બદનામ થવાના ડરથી તેણે કોઇને ફરિયાદ કરી નહતી. જોકે પ્રશાંતની ઠગાઇના કેસ બહાર આવતાં મહિલાએ હિંમત દાખવી પોલીસને ફરિયાદ કરી હતી.
મહિલાએ આરોપ લગાવ્યો હતો કે, સુરતમાં જ્યારે પણ સત્સંગનો કાર્યક્રમ હોય ત્યારે પ્રશાંત તેના પતિને સુરત મોકલી દેતો હતો. તેનો પતિ સુરત જાય ત્યારબાદ પ્રશાંત મહિલાને ઘેર બોલાવી દુષ્કર્મ કરતો હતો. પ્રશાંત તેને વોટ્સ એપ કોલ કરીને બપોરના સમયે જ મળવા બોલાવી દુષ્કર્મ કરતો હતો અને આ વાત કોઇને કરવી નહીં તેવી ધમકી આપતો હતો.આમ છેલ્લા કેટલાય સમય થી યુવતી બદનામી ના ડરે કોઈ ને કઈ કહેશે નહિ તે વાત નો લાભ ઉઠાવી હવસખોર બાબા યુવતી ની મજબૂરી નો ફાયદો ઉઠાવી સેક્સ માણતો હોવાની વાત સપાટી ઉપર આવતા આવી કેટલી મહિલાઓ ને ફસાવી હશે તે દિશા માં પણ તપાસ ચાલુ થવાની શકયતા જણાઈ રહી છે.