વડોદરા સહિત દેશભરમાં કોરોના પોઝિટિવ દર્દીઓની સંખ્યામાં ચિંતાજનક ઉછાળો નોંધાયો છે.
વડોદરા શહેર-જિલ્લામાં આજે નવા 33 કેસ નોંધાયા છે.
વડોદરા શહેર અને જિલ્લામાં એક્ટિવ દર્દીઓની સંખ્યા વધીને 111 પર પહોંચી છે. હાલમાં હોસ્પિટલોમાં 8 દર્દી દાખલ છે. દાખલ દર્દી પૈકી એક દર્દીને ઓક્સિજન પર રાખવામાં આવ્યો છે. હાલમાં શહેરમાં 103 લોકો ક્વોરન્ટીન છે.
વડોદરામાં છેલ્લા 36 કલાકમાં ગોત્રી, જતેલપુર, અકોટા, સમા, અટલાદારા, ઉંડેરા, કરજણ, મેધાકુઇ, સેવાસી, રણુ, કોયલી, સેજાકુવા, છાણી, ગાજરાવાડી, દિવાળીપુરા, તરસાલી, દંતેશ્વર, ગોકુલનગર, ભાયલી વિસ્તારમાં નવા પોઝિટિવ કેસ નોંધાયા છે.
વડોદરામાં વીતેલા 36 કલાકમાં ઝોન પ્રમાણે નોંધાયેલા કેસ તરફ નજર કરીએ તો પૂર્વ ઝોનમાં 3, પશ્ચિમ ઝોનમાં 11, ઉત્તર ઝોનમાં 5 અને દક્ષિણ ઝોનમાં 3 કેસ અને ગ્રામ્યમાં 11 કેસ નોંધાયા છે.
