વડોદરા નજીક પાદરા પાસે ના મહુવડ-રણુ ગામ વચ્ચે ડમ્પર અને આઇશર વચ્ચે સર્જાયેલા અકસ્માત માં 12લોકોના કમકમાટીભર્યા કરૂણ મોત થયા છે. વિગતો મુજબ મહુવડથી રણુ જવાના રસ્તે બેફામ ગતિ થી ધસી આવેલા ડમ્પર ચાલકે આઈશર ને અડફેટે લેતા આયશર નો ભુક્કો બોલી ગયો હતો. જેને કારણે લગ્નમાંથી આઈશરમાં બેસી પરત આવી રહેલા છ લોકોના ઘટના સ્થળે જ અને છ ના લોકોના હોસ્પિટલ લઈ જતા મોત થયા હતા જ્યારે 20 લોકો ને ઈજાઓ પહોંચી છે અને જેઓ ને પાદરાની સરકારી હોસ્પિટલમાં એડમિટ કરવામાં આવ્યા હતા.નોંધનીય છે કે, પાદરા પાસે આ અઠવાડિયામાં ડમ્પર ના કુલ 3 અકસ્માતો સર્જાયા છે
આ ઘટના માં રણુ અને ભોજ ગામના મુસ્લિમ પરિવારો સાવલી પાસેના ગોઠડા ગામે લગ્ન પ્રસંગે ગયા હતાં. ત્યાર બાદ આ પરિવારો આઈશરમાં બેસીને લગ્નમાંથી પાછા ફરી રહ્યાં હતા. આ સમયે મહુવડથી રણુ જવાના રસ્તે ડમ્પરે આઈશરને ટક્કર મારી હતી. જેને કારણે આઈશરમાં બેઠેલા લોકોમાંથી છ ના ઘટનાસ્થળે પર અને છ ના હોસ્પિટલ લઈ જતી વખતે દરમિયાન રસ્તામાં અને હોસ્પિટલમાં મોત થયા છે. જેમાંના લગભગ લોકોના માથા છુંદાઇ જતા ઓળખ કરવી પણ મુશ્કેલ બની હતી. તેમજ આઇશરનું એક તરફ નો આખેઆખો ભાગ જુદો પડી જતા અકસ્માત ભયાનક બન્યો હતો
