વડોદરા શહેરમાં આવેલા ગોત્રી તળાવની સફાઈ દરમ્યાન માનવ હાડપિંજરના બે ટુકડા મળતાં ભારે સનસનાટી મચી ગઈ છે.
વિગતો મુજબ વડોદરા કોર્પોરેશનના સફાઈ કામદારો ગોત્રી તળાવની સફાઈ કરતા હતાં તે દરમિયાન તળાવના કિનારે એક અજાણ્યા પુરુષના હાડપિંજરના બે ભાગ સફાઈ કર્મચારીઓની નજરે પડ્યાં હતાં. જે જોઈને કર્મચારીઓ ચોંકી ઉઠ્યાં હતાં અને બનાવ અંગે સફાઈ કર્મચારીઓએ મ્યુનિસિપલ કાઉન્સિલર ઉમંગ બ્રહ્મભટ્ટને જાણ કરતાં તેઓ સ્થળ પર આવી પહોંચ્યાં હતાં. અને આ અંગેની જાણ તેમણે ગોત્રી પોલીસને કરતાં પોલીસનો કાફલો પણ દોડી આવ્યો હતો. લોકોમાં આ ઘટનાને લઈને અનેક તર્કવિતર્કો પણ સર્જાયા હતાં.
પોલીસે ઘટના સ્થળ પર પહોંચીને લાશનો ભેદ ઉકેલવા માટે FSLની મદદ લીધી હતી. FSLની તપાસ બાદ પોલીસ હાડપિંજરનો કબજો લઈ પોસ્ટમોર્ટમ માટે સયાજી હોસ્પિટલમાં મોકલી આપ્યું હતું. પોલીસે લાશનો ભેદ ઉકેલવા માટે એફ.એસ.એલ. ની મદદ લીધી હતી. એફ.એસ.એલ.ની તપાસ બાદ પોલીસ હાડપિંજરનો કબજો લઈ પોષ્ટમોર્ટમ માટે સયાજી હોસ્પિટલમાં મોકલી આપ્યું હતું.આ બનાવ અંગે ગુનો નોંધી કાયદેસરની કાર્યવાહી હાથ ધરી છે.
