વડોદરા માં બનેલી ચોંકાવનારી ઘટના માં સેન્ટ્રલ જેલમાંથી જામીન ઉપર બહાર આવેલા હત્યાના આરોપી નો ફિલ્મી ઢબે પોતાના વિસ્તારમાં ઓડી કારમાં વરઘોડો કાઢી ભાઈગીરી નો શીન કરવાનું ભારે પડ્યું હતું ,કેમકે આ ઘટના પોલીસ ના ધ્યાને આવતા આરોપી ના વરઘોડા માં ઉપયોગમાં લીધેલી કાર કબ્જે કરીને વરઘોડા માં સામેલ અન્ય પન્ટરો ની શોધખોળ હાથ ધરી છે. તા.23 ફેબ્રુઆરીના રોજ વાઘોડિયા રોડ કલાદર્શન ચાર રસ્તા પાસે કારનો ઓવરટેક કરવા જેવી સામાન્ય વાત માં કેવલ ઉર્ફ દેવલ જાદવ નામના વ્યક્તિ ને ઢોર મારમારી મોતને ઘાટ ઉતારી દીધો હતો. આ બનાવમાં પાણીગેટ પોલીસે સુરજ ઉર્ફ ચુઇ રમણલાલ કહાર (રહે. શીતળા માતાનો ખાંચો, વારસીયા) સહિત 6 હુમલાખોરો સામે હત્યાનો ગુનો નોંધી ધરપકડ કરી હતી. બાદમાં તમામને કોર્ટમાં રજૂ કર્યા હતા. કોર્ટે તમામને જેલમાં મોકલી આપવાનો હુકમ કર્યો હતો.આ હત્યાના બનાવમાં કોર્ટે 4 જૂનના રોજ સુરજ ઉર્ફ ચુઇ કહારને જામીન ઉપર મુક્ત કરવાનો હુકમ કર્યો હતો. આરોપી જામીન ઉપર મુક્ત થયા બાદ તેના સાગરીતો અરૂણ માછી, અજય, નિતીન ભદોરીયા ઉર્ફ સુનિલ રાજપુત, સન્ની, શાહરૂખ અને શિવમ જતીન કહાર સહિત 10 જેટલા તેને ઓડી કાર લઇને જેલ ખાતે પહોંચ્યા હતા. અને તેને રેલી કાઢી વારસીયા વિસ્તારમાં આવ્યા હતા. ઉપરાંત વારસીયા વિસ્તારમાં પણ તેનો વરઘોડો કાઢ્યો હતો. જે વીડિયો સોશિયલ મીડિયામાં વાઈરલ થતાં ક્રાઇમ બ્રાંચ દ્વારા સુરજ કહાર સહિત તેના 10 સાગરીતો વિરૂદ્ધ જાહેરનામા ભંગનો ગુનો દાખલ કરવામાં આવ્યો છે. આ સાથે તેની ઓડી કાર પણ કબજે કરવામાં આવી છે. આરોપી અને તેના સાગરીતોની શોધખોળ ચાલી રહી છે આમ શો બાજી માં જમીન તો મળ્યા પણ પાછા તે જગ્યા ઉપર પરત ફરવાનો વારો આવ્યો છે.
