વલસાડ તા. ૨જી જુલાઈ
આજે ૩ જુલાઇના આંતરરાષ્ટ્રીય પ્લાસ્ટિક બેગ મુક્ત દિવસે વલસાડ ની જાગ્રત મહિલાઓએ પ્લાસ્ટિક મુક્ત કરવાનું અભિયાન ઉપાડ્યું છે.
આખું વિશ્વ જે પ્લાસ્ટિક થી પ્રદુષણ યુક્ત થઈ રહ્યું છે જે આંતરરાષ્ટ્રીય પ્લાસ્ટિક બેગ મુક્ત દિવસે વાતાવરણને પ્રદૂષણ વાળુ બનાવતા પ્લાસ્ટિક વિશે ભારત દેશની વાત કરીએ તો એક દિવસમાં ૩.૪ મિલિયન ટન પ્લાસ્ટિક વેસ્ટ કયરામાં હોય છે અને એમાંથી ફક્ત ૩૦ ટકા પ્લાસ્ટિક જ રિસાયકલ થાય છે અને ગુજરાતમાં દર ત્રણ મહિને ૧૫.૮૯ લાખ ટન પ્લાસ્ટિક વેસ્ટ ભેગું થાય છે તેમાંથી લગભગ ૨૫ થી ૨૮ ટકા પ્લાસ્ટિક જ રિસાયકલ થાય છે અને બીજું પ્લાસ્ટિક અન્ય કચરામાં ભેગું થઈને ગમે ત્યાં પડી રહે છે.
જેમકે, નદીના કિનારે પડેલું પ્લાસ્ટિક નદીમાં ભેગું થઈને માછલી, વ્હેલ, કાચબા અને અન્ય જળયર પ્રાણીઓ એને ખાઇ લે છે અને તેઓને શારીરિક નુકસાન કરે છે અને ઘણાનું મૃત્યુ પણ થાય છે. જમીન પર રહેલું પ્લાસ્ટિક કે જેમાં આપણે જ પ્લાસ્ટિકની થેલીમાં આપણા રસોડામાંથી વધેલું બચેલું ખાવાનું પ્લાસ્ટિકની થેલીઓમાં ભરી ગાંઠ મારીને કચરામાં ફેંકી દઈએ છીએ અને એ જ ખાવાની સુગંધથી ગાય, કુતરા એ ખાવા જાય છે પણ ગાંઠ ખુલતી નથી પણ ભૂખના માર્યા તેઓ ખાવાના સાથે પ્લાસ્ટિકની થેલી પણ ખાઇ જાય છે. આમને આમ રોજ-બરોજ તેઓ ધણું પ્લાસ્ટિક ખાય છે જેનાથી તેઓને ગંભીર બીમારી થાય છે તેમનું ઓપરેશન કરવા પડે છે. જેમાં ઘણાં મૃત્યુ પણ પામે છે. અને તે પણ આપણા મનુષ્યના કારણે જ. આ મૂંગા પ્રાણીને આપણે જ પ્લાસ્ટિક ગમે ત્યાં ફેંકેલાને લીધે જ નુકસાન થાય છે. અને તે જ ગાયોનું દૂધ પીવાથી અને એજ આપણને ફરીને નુકસાન કરે છે અને નવા નવા રોગ થાય છે.
આ બધા જ પ્લાસ્ટિક નો આપણે રોજબરોજની જિંદગીમાં જે પ્લાસ્ટિકનો ઉપયોગ કરીએ છીએ અને એ ગમે તેમ ગમે ત્યાં ફેંકી દઇએ છીએ તે જ પ્લાસ્ટિક થી આપણું શહેર વલસાડ પણ કયાંક ને ક્યાંક પ્લાસ્ટિકના કચરાથી ઘેરાયેલું છે.એ કચરામાં આપણી ઔરંગા નદી પણ આવી જાય છે. આપણા વલસાડના અન્ય વિસ્તારો પણ આવી જાય છે.
વલસાડમાં છેલ્લા ચાર મહિનાથી મહિલાઓએ પ્લાસ્ટિક વેસ્ટ નો નિકાલ લાવવા મારો કયરો, મારી જવાબદારીની એક
ઝુંબેશ શરૂ કરી છે જેમાં વલસાડ શહેરની ૧૭૦ થી ૧૮૦ મહિલાઓ જોડાઇ છે અને આ મહિલાઓમાં લગભગ ૭૦ થી ૮૦ મહિલાઓ નિયમિત રીતે
પોતાના ઘરેથી સરખી રીતે પ્લાસ્ટિક છૂટું પાડે છે અને એને રિસાયકલમાં મોકલાવે છે.અત્યાર સુધી ૪૦૦ કિલો પ્લાસ્ટિક રિસાયકલમાં મોકલાવ્યું છે જેમાં દૂધ, દહીં ચટણી, ખીરું, રવા, મેંદા બિસ્કિટ, વેફર વગેરે ની થેલી અને રોજ બરોજ ના પ્લાસ્ટિકનો સમાવેશ થાય છે. બધા પ્લાસ્ટિકનું રિસાયક્લ થાય છે. ટૂંકમાં કહીએ તો નાનામાં નાનું પ્લાસ્ટિક પણ તેઓ કચરામાં ભેગું થવા દેતા નથી. તેઓની ટીમમાં ડૉ. ભૈરવી જોષી, ચૈતાલી રાજપુત, વિભા દેસાઇ, ખુશ્બ વૈધ, નેહા ખંડારીયા અને અન્ય બીજી મહિલાઓ મળીને પ્રયત્ન કરે છે કે દર અઠવાડિયે વલસાડના અલગ અલગ વિસ્તરોમાંથી લોકો આ ઝુંબેશમાં જોડાઇ વલસાડને પ્લાસ્ટિક મુક્ત કરવામાં મદદરૂપ થાય. આ મહિલા મંડળ દ્વારા આટલી જીણવટથી કામ થઈ રહેલું છે કે આ પ્લાસ્ટિક વલસાડના કચરામાં ભેગું થઈને પ્રદુષિત કરતુ નથી.
છેલ્લા ચાર મહિનામાં પાલીહિલ, ઋષિકેશ એપાર્ટમેન્ટ, તિથલ રોડના અન્ય વિસ્તાર, હાલર, અબ્રામા, મદનવાડ, નનકવાડા વગેરે વિસ્તારના લોકો દ્વારા પ્લાસ્ટિક ભેગું કરીને રિસાયકલમાં આપવામાં આવે છે
છેલ્લા એક મહિનામાં નવા નવા વિસ્તાર રામજી ટેકરા, નૂતન સોસાયટી, કાંચન ગંગા સોસાયટી, પદમનેમી એપાર્ટમેન્ટ માં જઇને લોકોને આ ઝુંબેશ વિશે જણાવ્યું અને તેમાંથી ૮૦ ટકા લોકો તેઓ સાથે જોડાયા છે. વલસાડ હરિયાળીથી હર્યુંભર્યું અને શહેરને પ્રદુષણ મુક્ત બનાવવાનો પ્રયાસ કરવામાં આવ્યો છે
વલસાડ શહેરની આ મહિલાઓએ નક્કી કર્યું છે કે ૨૦૨૫ સુધી વલસાડને ઝીરો વેસ્ટ તરફ લઇ જશે. વલસાડની આ મહિલાઓએ વલસાડને પ્લાસ્ટિક મુક્ત કરવાનું અભિયાન હાથમાં લઇ લીધું છે. તો તેઓની વલસાડ શહેરના લોકોને અપીલ છે કે અમારા આ અભિયાનમાં આપ પણ જોડાઓ અને ચાલો, આપણે સૌ પણ આ ઝુંબેશમાં જોડાઇને વલસાડને પ્લાસ્ટિક મુક્ત કરીએ. અને આવી રીતે જ આપણે સૌ ભેગા મળીને,
“મારો કચરો, મારી જવાબદારી- તમારો કચરો, તમારી જવાબદારી,” આ સૂત્રને સાચા અર્થમાં સાર્થક કરીએ.