વિરાટ કોહલી IPL 2026માં તોડશે પોતાનો જ 973 રનનો રેકોર્ડ? RCB સ્ટાર ત્રીજી વખત ઓરેન્જ કેપ જીતવા માટે તૈયાર
IPLના ઈતિહાસમાં જ્યારે પણ સર્વશ્રેષ્ઠ બેટિંગ પ્રદર્શનની વાત આવે છે, ત્યારે વર્ષ 2016 અને વિરાટ કોહલીનું નામ સૌથી પહેલા લેવામાં આવે છે. વિરાટે તે સીઝનમાં 973 રન બનાવીને જે બેન્ચમાર્ક સેટ કર્યો હતો, તેને એક દાયકા પછી પણ કોઈ સ્પર્શી શક્યું નથી. પરંતુ હવે સંકેતો મળી રહ્યા છે કે IPL 2026માં ‘કિંગ કોહલી’ પોતાનો જ આ અશક્ય લાગતો રેકોર્ડ તોડવા માટે સંપૂર્ણપણે સજ્જ છે. 37 વર્ષની ઉંમરે પણ તેની ફિટનેસ અને રન ભૂખ જોઈને વિરોધી ટીમોમાં ફાળ પડી છે.
એક દાયકા જૂના રેકોર્ડને ફરીથી લખવાની તૈયારી
વર્ષ 2016માં જ્યારે રોયલ ચેલેન્જર્સ બેંગ્લોર (RCB) ફાઈનલમાં પહોંચી હતી, ત્યારે કોહલીએ 4 સદીની મદદથી રનનો પહાડ ઉભો કર્યો હતો. તેણે ક્રિસ ગેલ અને માઈકલ હસીના રેકોર્ડ્સને કચડી નાખ્યા હતા. છેલ્લા ત્રણ સીઝનથી કોહલી જે પ્રકારના ફોર્મમાં છે (639, 741 અને 657 રન), તે જોતા સ્પષ્ટ લાગે છે કે તે ફરી એકવાર તે જ જાદુઈ આંકડાની નજીક છે. ગત સીઝનમાં ઓરેન્જ કેપ જીતીને તેણે સાબિત કરી દીધું હતું કે સ્ટ્રાઈક રેટ વિશેની ચર્ચાઓ તેના માટે માત્ર આંકડા છે, તેની અસલી તાકાત તેની સાતત્યતા છે.
માનસિક બોજ વિનાની બેટિંગ: વિરોધીઓ માટે ખતરો
આ વખતે વિરાટ કોહલી કોઈ પણ પ્રકારના દબાણ વગર મેદાનમાં ઉતરી રહ્યો છે. ટેસ્ટ ક્રિકેટના તાજેતરના પડકારોને પાછળ છોડીને હવે તેનું સંપૂર્ણ ધ્યાન T20 ફોર્મેટ પર છે. આંતરરાષ્ટ્રીય વનડે અને વિજય હજારે ટ્રોફીમાં તેના તાજેતરના સ્કોર્સ (135, 102, 124) તેની પ્રચંડ ફોર્મની સાક્ષી પૂરે છે. નિષ્ણાતોનું માનવું છે કે જ્યારે વિરાટ માનસિક રીતે મુક્ત હોય છે, ત્યારે તે વધુ ઘાતક બની જાય છે. 2027ના વર્લ્ડ કપ પર નજર રાખતા, આ IPL સીઝન તેના માટે માત્ર એક ટુર્નામેન્ટ નહીં પણ એક સ્ટેટમેન્ટ હશે.
Jitesh Sharma 🗣️: Virat Kohli is definitely going to win the Orange Cap this season. I feel that he’s going to break the 973-run record this year. The way I’ve seen him batting so far, he looks 1000 times better than last season, he’s in proper touch. That 973-run record of Virat… pic.twitter.com/nyHIXVElYp
— Oxygen (@Oxygen18_) March 25, 2026
સાથી ખેલાડીઓ અને પ્રેક્ટિસ સેશનનો આત્મવિશ્વાસ
તાજેતરમાં RCBના સાથી ખેલાડી જીતેશ શર્માએ એક ઈન્ટરવ્યુમાં જણાવ્યું હતું કે, “વિરાટ જે રીતે બોલને હિટ કરી રહ્યો છે અને બેટમાંથી જે અવાજ આવી રહ્યો છે, તે સાબિત કરે છે કે તે પોતાની શ્રેષ્ઠ લયમાં છે.” ઇન્ટ્રા-સ્ક્વોડ પ્રેક્ટિસ મેચમાં માત્ર 19 બોલમાં 45 રન ફટકારીને કોહલીએ પોતાની આક્રમકતાની ઝલક આપી દીધી છે. RCB હાલમાં ચેમ્પિયન તરીકે મેદાનમાં ઉતરી રહી છે અને ઓપનિંગમાં વિરાટની હાજરી ટીમને વધુ મજબૂત બનાવે છે.
