ન્યુયોર્કઃ અમેરિકામાં ચૂંટાયેલા નવા રાષ્ટ્રપતિ જો બિડેને પોતાની કોમ્યુનિકેશન એટલે કે મીડિયા ટીમમાં માત્ર મહિલાઓનો સમાવેશ કર્યો છે. આવુ કરનાર તેઓ પ્રથમ રાષ્ટ્રપતિ છે. કોમ્યુનિકેશનની 7 સભ્યોની ટીમની આગેવાની કેડ બેડિંગફિલ્ડ કરશે. કેટ આ પૂર્વે બિડેનના ચૂંટણી અભિયાનની ડિપ્યુટી કોમ્યુનિકેશન ડિરેક્ટર હતી.
તે ઉપરાંત ડેમોક્રેટિક પાર્ટીની પ્રવક્તા રહેલ જેન સાકીને મીડિયા ટીમની સેક્રેટરી બનાવવામાં આવી છે. તો ભારતીય મૂળની નીરા ટંડનને ઇકોનોમિ ટીમમાં મોટી જવાબદારી આપવામાં આવી શકે છે. નીરાને બિડેનની નીતિઓના અમલીકરણ દેખરેખ રાખવાની જવાબદારી સોંપવામાં આવશે. તેઓ સેન્ટર ફોર અમેરિકન પ્રોગ્રેસ નામની થિંક ટેન્કની પ્રમુખ અને સીઇઓ છે. બિડેને કહ્યુ હતુ કે, તેઓ પોતાના વહિવટીની નીતિઓ ઘડશે, જે દેશની વિવિધતા અને તેની સંસ્કૃતિને દર્શાવશે.
બિડને 20 જાન્યુઆરી 2021ના રોજ અમેરિકામાં રાષ્ટ્રપતિ પદની શપથ લેશે. તે એટલા માટે પણ ખાસ છે કારણ કે તેમાં ભારતીયોને મોટી જવાબદારીઓ મળી રહીછે. કમલા હેરિસના રૂપમાં પ્રથમવાર ભારતીય મૂળની મહિલા દુનિયાના સૌથી શક્તિશાળી અર્થતંત્રની ઉપ-રાષ્ટ્રપતિ બનશે. તેમની સાથે નીરા ટંડન પણ હશે. નીરાને 2012માં નેશનલ જર્નલના વોશિંગ્ટનની 25 સૌથી શક્તિશાળી મહિલાઓમાં શામેલ કરાઇ હતી. તેઓ ઓબામા સરકારમાં સલાહકાર રહી ચૂકી છે. સુત્રોના મતે બિડેન તેમને ડિરેક્ટર ઓફ ધી વ્હાઇટ હાઉસ બજેટ ઓફિસની પણ જવાબદારી સોંપી શકે છે.
તો સેસિલા રાઉઝનુ નામ કાઉન્સિલ ઓફ ઇકોનોમિક એડવાઇઝરના પ્રમુખ તરીકે સામે આવી રહ્યુ છે. નીરા તેની પહેલા ઓબામા સરકારમાં આરોગ્ય સલાહકાર પણ રહી ચૂકી છે. ઉપરાંત અર્થશાસ્ત્રી જારેડ બેર્ન્સટીન અને હીદર બાઉશેને આર્થિક સલાહકાર બનાવવામાં આવી છે.
