ઇટલી માં કોરોના ની ભયાનક વાસ્તવિકતા બહાર આવી રહી છે અને મૃત્યુઆંક વધતા આટલી મોટી સંખ્યા માં લાશો ને દફનાવવા ની સમસ્યા ઉભી થઇ છે. લોમ્બાર્ડીમાં 15 ટ્રકમાં 97 શબ હોસ્પિટલમાંથી એક સાથે લઇ જવાયાં ત્યારે ઉપસ્થિત લોકો ની આંખો ભરાઈ આવી હતી. મૂળે બર્ગામોના કબ્રસ્તાનમાં શબો દફનાવવા જગ્યા જ નથી બચી. તેથી હોસ્પિટલોમાંથી શબોને બર્ગામો પ્રાંતની બહાર મોકલાયાં. શહેરનું શબઘર પણ ભરેલું છે. કબ્રસ્તાનમાં રોજ 24 શબ આવી રહ્યાં છે તેથી શબોને નજીકના પ્રાંતોમાં મોકલવાનો નિર્ણય લેવાયો. 50 સૈનિક આ કામમાં જોડાયા હતા. બર્ગામો પ્રાંતના ચર્ચ ઓફ ઓલ સેન્ટ્સના પાદરી માર્કો બરગામેલીએ કહ્યું કે રોજ સેંકડો લોકોનાં મોત થઇ રહ્યાં છે.
ઇટાલીના વડાપ્રધાન ગ્યુસેપ કોન્તેએ કહ્યું છે કે દેશમાં લૉકડાઉન 3 એપ્રિલ બાદ પણ લંબાઇ શકે છે.
40 હજાર લોકોને લૉકડાઉન તોડવા બદલ દંડ ફટકારાયો છે. આમ ઇટલી ની સ્થિતિ ભયાનક હોવાનું સામે આવ્યું છે.
