ચીન ની વેકશીન ના ડોઝ લીધા બાદ પાકિસ્તાનના વડાપ્રધાન ઈમરાન ખાનનો કોરોના રિપોર્ટ પોઝિટિવ આવ્યો હોવાનું પાક.ના સ્વાસ્થ્ય મંત્રી ફૈઝલ સુલતાને એક ટ્વિટ કરી જાણકારી આપી હતી. તેમણે કહ્યું હતું કે, વડાપ્રધાનનો કોરોના રિપોર્ટ પોઝિટિવ આવ્યો છે અને તેઓ ઘરે જ સેલ્ફ આઇસોલેશનમાં છે.
વડાપ્રધાન ઈમરાન ખાને ચીનથી આવેલી કોરોના વાયરસ માટેની વેક્સિન સીનોફાર્મનો પહેલો ડોઝ લીધો હતો. એક દિવસ બાદ જ તેમનો કોવિડ ટેસ્ટ પોઝિટિવ આવ્યો છે. પોતે વેક્સિન લીધા બાદ ઈમરાન ખાને પાકિસ્તાનના નાગરિકોને પણ વેકસીનેશન લેવા અપીલ કરી હતી.
અત્રે નોંધનીય છે કે પાકિસ્તાનમાં અત્યાર સુધીમાં 6 લાખ 56 હજાર કેસ નોંધાયા છે અને 13 હજાર 799 લોકોના મોત થયા છે. પાકિસ્તાનમાં હાલ 29 હજાર 576 એક્ટિવ કેસ છે.
