દુબઇ માં દાઉદ ની હવા કાઢતી સરકાર:મિલ્કતો જપ્ત

એક સમયે ભારત ના મુંબઈ સહિત ના નગરો માં જેની હાક વાગતી હતી તેવા દાઉદ ઇબ્રાહિમ ને દુબઇ સરકારે ઢીલો કરી નાખી તેની હવા કાઢી નાખી હોવાનું અહેવાલો માં બહાર આવ્યું છે,સંયુક્ત આરબ અમિરાત (યુએઈ) સરકારે અંધારીઆલમના કુખ્યાત દાઉદ ઈબ્રાહિમની રૂ. 15,000 કરોડની મિલકત જપ્ત કરી છે. વિગતો મુજબ યુએઈમાં દાઉદની હોટેલ અને મોટી કંપનીઓના શેર જપ્ત કરી લેવાયા છે..
યુએઈ સરકારે હાલમાં જ ભાગેડું અપરાધી દાઉદ ઈબ્રાહિમની મિલકતોની તપાસ હાથ ધરી હતી. વડાપ્રધાન મોદી મોદી રાષ્ટ્રીય સુરક્ષા સલાહકાર અજીત ડોવાલ સાથે યુએઈના અધિકારીઓને દાઉદની મિલકતો અંગે યાદી સોપવામાં આવી હતી. ભારતીય સરકારે યુએઈને વિનંતી કરી હતી કે દાઉદ અને તેના સાગરીતોની ત્યાંની પ્રોપર્ટી અંગે તપાસ કરી જપ્ત કરવી.ભારતે યુએઈને આપેલા આ લિસ્ટમાં ગોલ્ડ બોક્સનો પણ ઉલ્લેખ હતો, જે દાઉદના લોકો ચલાવે છે. આ ડોઝિયરમાં લખ્યું હતું કે આ કંપની અનીસ ઈબ્રાહિમ ચલાવે છે, જે દાઉદનો ભાઈ છે. દુબઈ ઉપરાંત દાઉદ મોરોક્કો, સ્પેન, સિંગાપુર, થાઈલેંડ, તુર્કી અને ભારત, પાકિસ્તાન અને યુકેમાં પ્રોપર્ટી ધરાવે છે. તેમ સૂત્રો એ ઉમેર્યું હતું.