પાકિસ્તાન માં પેટ્રોલ પ્રતિ લીટરે રૂ.100.10 અને ડીઝલ રૂ.101.46 મોંઘું થયું ,વિપક્ષો એ મચાવ્યો હોબાળો

વિશ્વ બજાર માં ક્રૂડ ના ભાવ તળિયે જતા પેટ્રોલ અને ડીઝલ સાવ સસ્તું થઈ ગયું હોવા છતાં ભારત માં સરકારે જનતા ને કોરોના ની રાહત આપવાને બદલે ભાવ વધારી લૂંટ ચલાવી છે ત્યારે પાકિસ્તાનમાં પણ ઇમરાન ખાનની સરકારે તમામ પેટ્રોલિયમ પેદાશો મોંઘા કરી દીધા છે. પેટ્રોલના ભાવમાં પ્રતિ લિટર રૂ. 25.58 (પાકિસ્તાન ચલણમાં)નો વધારો કરવામાં આવ્યો છે. હવે નવો ભાવ રૂ. 100.10 પ્રતિ લિટર થયો છે. ડીઝલ રૂ. 21 પ્રતિ લિટર મોંઘુ થઈ રૂ. 101.46 થઈ ગયું છે અને કેરોસીન પણ લિટર દીઠ રૂ. 24 મોંઘુ કરી દેવામાં આવ્યું છે.
નવી કિંમતો બહાર આવ્યા બાદ પાકિસ્તાન ના ઘણા શહેરોમાં પેટ્રોલ પમ્પ બંધ થઈ ગયા છે જિયો ન્યૂઝ ના અનુસાર, મોટાભાગના પેટ્રોલ પમ્પ પર ટેક્નિકલ ફોલ્ટના બોર્ડ ઝૂલી રહ્યા છે. પાકિસ્તાન માં વિપક્ષે પેટ્રો પેદાશોના ભાવ વધારવા સામે વિરોધ ચાલુ કરી દીધો છે. પીપલ્સ પાર્ટી (PPP)ના અધ્યક્ષ બિલાવલ ભુટ્ટો ઝરદારીએ કહ્યું કે વર્તમાન સરકાર ની નિષ્ફળતાને કારણે દેશ નાદાર થવા ઉપર છે. આનો અર્થ એ નથી કે તેઓ ખજાનો ભરવા માટે ગરીબોને લૂટે. સિલેક્ટેડ પ્રાઈમ મિનિસ્ટર મનમાની ન કરે તો સારું. નવાઝ શરીફની પાર્ટીના PML-N સાંસદ આસિફ કિરમાનીએ કહ્યું- આ પેટ્રોલ બોમ્બ છે. વિશ્વના અન્ય દેશો ગરીબીને સમાપ્ત કરવા પર ધ્યાન આપી રહ્યા છે ત્યારે પાકિસ્તાન માં સરકાર ગરીબોનો અંત લાવવાનો ઇરાદો ધરાવતી હોવાનું જણાઈ રહ્યું છે આમ પાકિસ્તાન માં પણ પેટ્રોલ, ડીઝલ ના ભાવો આમ જનતા ને દઝાડી રહયા છે.