World:ટોરોન્ટો પીયર્સન ઈન્ટરનેશનલ એરપોર્ટ પરથી ઉડાન ભરી રહેલા પેસેન્જર પ્લેનમાં થોડીવાર પછી આગ લાગી ગઈ હતી. એર કેનેડાનું આ પ્લેન પેરિસ જઈ રહ્યું હતું. વિમાનમાં 389 મુસાફરો અને 13 ક્રૂ મેમ્બર સવાર હતા.
ટોરોન્ટો પીયર્સન ઈન્ટરનેશનલ એરપોર્ટ પરથી ઉડાન ભરી રહેલા પેસેન્જર પ્લેનમાં થોડીવાર પછી આગ લાગી ગઈ હતી. એર કેનેડાનું આ પ્લેન પેરિસ જઈ રહ્યું હતું. વિમાનમાં 389 મુસાફરો અને 13 ક્રૂ મેમ્બર સવાર હતા. ક્રૂએ તરત જ “PAN-PAN” જાહેર કર્યું. આ આંતરરાષ્ટ્રીય સ્તરે તાત્કાલિક ધોરણનું કટોકટી સંકેત છે. બાદમાં વિમાન એરપોર્ટ પર પરત ફર્યું હતું અને આ દરમિયાન કોઈ ઈજા કે જાનહાનિ થઈ ન હતી.
Superb work by the pilots and their air traffic controllers, dealing with a backfiring engine on takeoff. Heavy plane full of fuel, low cloud thunderstorms, repeated compressor stalls. Calm, competent, professional – well done!
Details: https://t.co/VaJeEdpzcn @AirCanada pic.twitter.com/7aOHyFsR29— Chris Hadfield (@Cmdr_Hadfield) June 7, 2024
બોઇંગ 777 એરક્રાફ્ટે શુક્રવારે સવારે 12:17 વાગ્યે (ટોરોન્ટો સમય) પ્રસ્થાન કરવાનું શરૂ કર્યું. ટેકઓફના થોડા સમય પછી, 12:39 am (ટોરોન્ટો સમય), ફ્લાઈટ હજુ રનવે પર ટેક્સી કરી રહી હતી જ્યારે એર ટ્રાફિક નિયંત્રકોએ જોયું કે એરક્રાફ્ટના જમણા એન્જિનમાંથી આગની જ્વાળાઓ ઉછળતી હતી અને ક્રૂને તરત જ ચેતવણી આપવામાં આવી હતી. જમીન પર હાજર લોકોએ એન્જિનમાંથી આગ નીકળતી જોઈ અને આ ઘટનાને પોતાના કેમેરામાં કેદ કરી લીધી.
આ ચોંકાવનારી ઘટના 5 જૂને પ્રકાશમાં આવી હતી. વિમાનમાં 389 મુસાફરો અને 13 ક્રૂ મેમ્બર સવાર હતા. તમામ મુસાફરો અને ક્રૂ મેમ્બર સુરક્ષિત છે. વિમાન એરપોર્ટ પર ઉતરતાની સાથે જ આગ પર કાબૂ મેળવી લેવામાં આવ્યો હતો અને સાવચેતીના પગલાં લેવામાં આવ્યા હતા. પ્લેનના એન્જિનમાં આગ લાગવાનું કારણ હજુ સુધી બહાર આવ્યું નથી. અકસ્માતનું કારણ જાણવા માટે તપાસ ટીમ બનાવવામાં આવી છે.
આવી ઘટના અગાઉ પણ સામે આવી ચુકી છે
એન્જિન ખરાબ થવા પાછળનું કારણ જાણવા તપાસ હાથ ધરવામાં આવી છે. અસરગ્રસ્ત મુસાફરોને બીજી ફ્લાઈટમાં મોકલવાની વ્યવસ્થા કરવામાં આવી હતી. એરક્રાફ્ટનું નિરીક્ષણ કરવામાં આવશે અને તેને હાલમાં સેવામાંથી દૂર કરવામાં આવ્યું છે. નોંધનીય છે કે છેલ્લા બે અઠવાડિયામાં આ બીજી ઘટના છે, જ્યાં એર કેનેડાના એરક્રાફ્ટને એન્જિનની સમસ્યાને કારણે ટેકઓફ કર્યા બાદ પરત ફરવું પડ્યું હતું.
