જેમનો આરટી-પીસીઆર ટેસ્ટ પોઝિટિવ આવે તો , જો જરૂરી ન હોય તો હોસ્પિટલમાં દાખલ ન થવાની ભલામણ ડોક્ટર દ્વારા કરવામાં આવે છે, કારણ કે મોટાભાગના લોકો ઘરે સ્વસ્થ થઈ રહ્યા છે. દરમિયાન, કેન્દ્ર સરકારે (ભારત સરકાર) એક વીડિયો શેર કર્યો છે, જેમાં ટાટા મેમોરિયલ હોસ્પિટલના ડિરેક્ટર ડો.સી.એસ.પ્રમેશના સૂચનોને આધારે કેટલાક સૂચનો કરવામાં આવ્યા છે. વિડિયોમાં કોવિડ-પોઝિટિવ દર્દીઓને સારા પોષણ ઉપરાંત, પ્રવાહી લેવાનું, યોગ પ્રાણાયામ કરવા, તેમના તાવ અને ઓક્સિજનના સ્તર પર ટ્રેક કરવાની સલાહ આપવામાં આવે છે.
વિડિયો સંદેશમાં કહેવામાં આવ્યું છે કે જો તમારા શરીરમાં ઓક્સિજનનું સ્તર 94 કરતા વધારે છે, તો તમારે હોસ્પિટલમાં દાખલ થવાની જરૂર નથી. આ ઉપરાંત, દર્દીને ઓક્સિજન સ્તરની સચોટ તપાસ માટે તેના ઓરડામાં છ મિનિટ ચાલવું પડે તે પછી ઓક્સિજનનું સ્તર ચેક કરવાનું કહેવામાં આવ્યું છે. છ મિનિટ સુધી ચાલ્યા પછી જો પહેલાના અને પછીના ઓક્સિજન લેવલમાં 4 ટકા કે તેથી વધુનું વધઘટ થાય, તો તેને ડોક્ટરનો સંપર્ક કરવાની સલાહ આપવામાં આવે છે.
