America: ટ્રમ્પની ટ્રાવેલ પ્રતિબંધ યાદીમાં 36 દેશોનો વધારો થશે? જાણો કારણ
America: યુએસ પ્રમુખ ડોનાલ્ડ ટ્રમ્પનું વહીવટીતંત્ર 36 વધુ દેશોના નાગરિકો પર અમેરિકામાં પ્રવેશ માટે પ્રવાસ પ્રતિબંધ લાદવાની તૈયારી કરી રહ્યું છે. આ પગલું રાષ્ટ્રીય સુરક્ષા જોખમોને ધ્યાનમાં રાખીને લેવામાં આવી રહ્યું છે, ખાસ કરીને ઓળખ દસ્તાવેજોની સુરક્ષા અને પ્રમાણભૂત ઓળખ માપદંડોની કમીને કારણે.
વિદેશ વિભાગે વિદેશી દેશોના પાસપોર્ટ અને ઓળખ દસ્તાવેજોની સખત તપાસ કરી અને આ 36 દેશોના નાગરિકોને 60 દિવસમાં સુધારાઓ લાવવાની જરૂરિયાત જણાવી છે. જો આ સમયગાળામાં જરૂરી સુધારાઓ નહીં થાય, તો આ દેશોના નાગરિકો પર સંપૂર્ણ અથવા આંશિક પ્રવેશ પ્રતિબંધ મૂકવામાં આવશે.
આ પ્રતિબંધ પહેલેથી જ અમલમાં આવેલી 12 દેશોની યાદીને વિસ્તરે છે અને રાષ્ટ્રીય સુરક્ષા મજબૂત બનાવવાના પ્રયાસ હેઠળ લેવામાં આવી રહ્યું છે.
પ્રતિબંધ હેઠળ આવતા દેશો:
અંગોલા, એન્ટિગુઆ અને બાર્બુડા, બેનિન, ભૂટાન, બુર્કિના ફાસો, કાબો વર્ડે, કંબોડિયા, કેમરૂન, કોટ ડી’આઇવોર, ડેમોક્રેટિક રિપબ્લિક ઓફ કોંગો, જીબુટી, ડોમિનિકા, ઇથોપિયા, ઇજિપ્ત, ગેબોન, ધ ગેમ્બિયા, ઘાના, કિર્ગિસ્તાન, લાઇબેરિયા, માલાવી, મોરિટાનિયા, નાઇજર, નાઇજીરીયા, સેન્ટ કિટ્સ અને નેવિસ, સેન્ટ લુસિયા, સાઓ ટોમ અને પ્રિન્સિપે, સેનેગલ, દક્ષિણ સુદાન, સીરિયા, તાંઝાનિયા, ટોંગા, તુવાલુ, યુગાન્ડા, વનુઆતુ, ઝામ્બિયા અને ઝિમ્બાબ્વે.
આ પગલાથી યુએસમાં આવતા વિદેશી પ્રવાસીઓ અને રહેવાસીઓની ઓળખ દસ્તાવેજોની સલામતી વધારવામાં આવશે અને રાષ્ટ્રીય સુરક્ષા વધુ મજબૂત કરવામાં મદદ મળશે.
