દુનિયાના સૌથી ધનિક દેશનો તાજ અત્યાર સુધી અમેરિકા પાસે હતો. જોકે, હવે તે તાજ અમેરિકા પાસેથી ચીને છીનવી લીધો છે. હવે ચીન સંપત્તિ બાબતે વિશ્વનો સૌથી ધનિક દેશ બની ગયો છે. પાછલા બે દશકાઓમાં વિશ્વની સંપત્તિમાં ત્રણ ગણો વધારો થયો છે અને તેમાં ચીન સૌથી અવ્વલ રહ્યો છે. આ બાબતે જાહેર થયેલા એક રિપોર્ટ પ્રમાણે ચીન પાસે દુનિયાની ત્રીજા ભાગની સંપત્તિ છે.
વર્લ્ડ ટ્રેડ ઓર્ગેનાઈઝેશનમાં સામેલ થતા પહેલા વર્ષ 2000માં ચીનની સંપત્તિ સાત ખરબ ડોલર હતી. જે હવે વધીને 120 અરબ ડોલર થઈ ગઈ છે. ચીનની ઈકોનોમીમાં સતત તેજી આવી રહી છે અને તેના પગલે હવે 20 વર્ષમાં દુનિયાએ જે સંપત્તિ ઉભી કરી છે તેમાંથી ત્રીજા ભાગનો હિસ્સો ચીન પાસે છે.
દુનિયામાં 60 ટકા આવક માટે જવાબદાર 10 દેશો પર નજર રાખતી મેનેજમેન્ટ ફર્મ મેકિન્સ એન્ડ કંપનીના રિપોર્ટમાં કહેવાયુ છે કે, 2020માં દુનિયાની કુલ સંપત્તિ 514 ખરબ ડોલર થઈ છે. અમેરિકાની સંપત્તિમાં પણ વધારો થયો છે. જોકે અમેરિકામાં પ્રોપર્ટીના ભાવોમાં એટલો વધારો થયો ન હોવાના કારણે ચીનની સરખામણીમાં અમેરિકાની સંપત્તિ ઓછી થઈ છે.
