China-Pakistan Agreement: શાહબાઝ સરકાર અને ચીન વચ્ચે અનોખો કરાર, પાકિસ્તાનમાં ગધેડા ઉછેરવામાં આવશે
China-Pakistan Agreement: પાકિસ્તાન અને ચીન વચ્ચે તાજેતરમાં થયેલા સહયોગ એક વિચિત્ર અને રસપ્રદ વળાંક પર પહોંચી ગયો છે, જ્યાં ગધેડા ઉછેરની વાત થઈ રહી છે. ચીનનું એક પ્રતિનિધિમંડળ પાકિસ્તાનમાં ગધેડા ઉછેર ફાર્મ સ્થાપવામાં રસ દાખવી રહ્યું છે, અને તેને એક સંગઠિત ઉદ્યોગ તરીકે વિકસાવવાની યોજના ધરાવે છે. આ પ્રોજેક્ટનો મુખ્ય ઉદ્દેશ્ય ગધેડાનું માંસ અને ચામડાની નિકાસ કરવાનો છે, ખાસ કરીને ચીનને, જ્યાં તેનો ઉપયોગ વિવિધ ઉદ્યોગોમાં થાય છે.
ગ્વાદર બંદરને આ વેપાર માટે એક મહત્વપૂર્ણ કેન્દ્ર તરીકે પસંદ કરવામાં આવ્યું છે, જ્યાં ગધેડા ઉછેર, માંસ પ્રક્રિયા, કતલખાના અને નિકાસ સુવિધા સ્થાપિત કરવામાં આવશે. પાકિસ્તાન સરકારે આ પ્રસ્તાવને સકારાત્મક રીતે સ્વીકાર્યો છે, અને આગામી પગલા તરીકે ઔપચારિક કરાર માટે તૈયારીઓ ચાલી રહી છે, જેથી સ્થાનિક ગધેડા જાતિને નુકસાન ન થાય.
આ સમગ્ર પ્રોજેક્ટ 2023 માં ગધેડાનું માંસ અને ચામડાની નિકાસ માટે પાકિસ્તાન અને ચીન વચ્ચે થયેલા કરારનું પરિણામ છે, જે હવે વાસ્તવિક આકાર લઈ રહ્યું છે. આ પહેલ પાકિસ્તાનના અર્થતંત્રને એક નવું પરિમાણ આપી શકે છે, જ્યારે ચીનને તેની પુરવઠા જરૂરિયાતો પૂરી કરવામાં મદદ કરી શકે છે.
