Chinaની શંકાસ્પદ કાર્યવાહી: તાઇવાનના ઉપરાષ્ટ્રપતિ પર હુમલો કરવાનું કાવતરું
China: ચેક રિપબ્લિકની એક લશ્કરી ગુપ્તચર એજન્સીના તાજા અહેવાલમાં ચીન દ્વારા તાઇવાનના ઉપરાષ્ટ્રપતિ હ્સિયાઓ બી-ખીમ પર પ્રાગમાં હુમલો કરવાની યોજના ઘડાતા ખુલાસા થયા છે. અહેવાલ અનુસાર, ચીનના અધિકારીઓ તાઇવાનના ઉપરાષ્ટ્રપતિના સમગ્ર કાર્યક્રમ, મુલાકાતો અને વાતચીતની બારીક વિગતો એકત્રિત કરી રહ્યા હતા.
China: ગયા વર્ષે હ્સિયાઓની પ્રાગ મુલાકાત દરમિયાન ચીની ગુપ્તચરોએ એક કાર અકસ્માતનું કાવતરું તૈયાર કર્યું હતું, જેમાં તેમને ડરાવવાનો પ્રયાસ કરવામાં આવતો. આ કાવતરું અમલમાં ન આવી શક્યું હોવા છતાં, તેને યુરોપમાં ચીનની સૌથી ગંભીર રાજદ્વારી કાર્યવાહી માનવામાં આવી રહી છે.
ચેક લશ્કરી ગુપ્તચર વડા પેટ્ર બાર્ટોવ્સ્કીના જણાવ્યા અનુસાર, ચીને જાણી જોઈને હ્સિયાઓની કારને તોડવાનો પ્રયાસ કર્યો હતો અને આ હુમલો પ્રતીકાત્મક રીતે કરવામાં આવ્યો હતો, જે એક મજબૂત આંતરરાષ્ટ્રીય સંદેશ મોકલવાનો હતો. અહેવાલમાં એ પણ નોંધવામાં આવ્યું છે કે ચીની રાજદ્વારીઓ લાલ બત્તીઓ તોડીને પ્રાગના રસ્તાઓ પર તાઇવાનના પ્રતિનિધિમંડળનો પીછો કરતા જોવા મળ્યા હતા, જે કાવતરું વધુ સ્પષ્ટ બનાવે છે.
હ્સિયાઓના સમગ્ર સમયગાળા દરમિયાન ચીનની સખત નજર રહેતી હતી, જેમાં તેમના તમામ સંપર્કો અને મિટિંગ્સનું દસ્તાવેજીકરણ થતું હતું. ચેક સુરક્ષા તંત્રએ કહ્યું કે હ્સિયાઓ પર કોઈ તાત્કાલિક જોખમ ન હતું કારણ કે સ્થાનિક સુરક્ષા તંત્ર સતત જાગૃત અને કાર્યરત હતા. તેમ છતાં, ચીનની આ કાર્યવાહી રાજદ્વારી નૈતિકતા વિરુદ્ધ ગણાઈ રહી છે.
ચીનએ આ અહેવાલ જાહેર થતાની સાથે જ ચેક રિપબ્લિક પર ‘વન ચાઇના પોલિસી’ ભંગ કરવાનો આરોપ લગાવ્યો છે. ચીનના વિદેશ મંત્રાલયના પ્રવક્તા ગુઓ જિયાકુને જણાવ્યું કે પ્રાગ દ્વારા તાઇવાન સ્વતંત્રતા સમર્થકોને પ્લેટફોર્મ આપવું ગંભીર રાજકીય ભૂલ છે. આ ઘટનાઓ ચેક રિપબ્લિકમાં તાઇવાન પ્રત્યે લાગણીઓ વધુ મજબૂત કરી શકે છે.
આજકાલ યુરોપીયન દેશો ચીનના દબાણ સામે તાઇવાનને વધુ સપોર્ટ કરી રહ્યા છે, અને નિષ્ણાતો માને છે કે આ ઘટનાથી તાઇવાન અને યુરોપીયન દેશો વચ્ચેના સંબંધો વધુ મજબૂત થઇ શકે છે. સાથે જ, ચીન સામે યુરોપીયન સુરક્ષા એજન્સીઓની સતર્કતા પણ વધી રહી છે.
