Cyber Dome: જર્મની ઇઝરાયલની મદદથી ‘સાયબર ડોમ’ બનાવશે, દેશની સાયબર સુરક્ષા મજબૂત કરવા નવી પહેલ
Cyber Dome: જર્મનીએ ઇઝરાયલ સાથે મળીને એક નવી સાયબર-સંરક્ષણ યોજના ‘સાયબર ડોમ’ શરૂ કરવાની જાહેરાત કરી છે. આ યોજનાનું મુખ્ય ઉદ્દેશ જર્મનીના રાષ્ટ્રીય ડિજિટલ માળખાને વધતા સાયબર હુમલાઓથી સુરક્ષિત બનાવવું છે, ખાસ કરીને તે હુમલાઓ જે રાષ્ટ્ર-સમર્થિત હેકર્સ દ્વારા થાય છે.
જર્મન ગૃહ પ્રધાન એલેક્ઝાન્ડર ડોબ્રિન્ડ્ટે રવિવારે જણાવ્યું હતું કે આ યોજનામાં પાંચ મહત્વપૂર્ણ મુદ્દાઓનો સમાવેશ થાય છે:
- જર્મની અને ઇઝરાયલ વચ્ચે એક સંયુક્ત સાયબર સંશોધન કેન્દ્રની સ્થાપના, જે ‘સાયબર ડોમ’ તરીકે ઓળખાશે.
- દ્વિપક્ષીય સાયબર સંરક્ષણ સહયોગ મજબૂત બનાવવો.
- ઇઝરાયલની ગુપ્તચર એજન્સી મોસાદ અને જર્મન ગુપ્તચર એજન્સી BND વચ્ચે સહયોગ વધારવો.
- જર્મનીની ડ્રોન વિરોધી સુરક્ષા ક્ષમતાઓનો વિસ્તરણ.
- નાગરિક સુરક્ષા માટે ઇઝરાયલ દ્વારા વિકસાવવામાં આવેલ નાગરિક આશ્રય અને કટોકટી ચેતવણી પ્રણાલી અંગે જર્મની માટે નવી ટેક્નોલોજી વિકસાવવી.
‘સાયબર ડોમ’ શું છે?
‘સાયબર ડોમ’ નો નામ ઇઝરાયલની લોકપ્રિય એર ડિફેન્સ સિસ્ટમ ‘આયર્ન ડોમ’ પરથી પ્રેરિત છે, પરંતુ આ પહેલ ડિજિટલ વિશ્વમાં સુરક્ષા માટે છે.
જર્મનીમાં આ સિસ્ટમ એક મજબૂત, બહુ-સ્તરીય સાયબર કવચ તરીકે કામ કરશે, જે દેશને હાઇ-ટેક સાયબર જોખમો સામે રક્ષાવશે.
જર્મની-ઇઝરાયલ સાયબર સહયોગ કેમ?
જર્મની દ્વારા ઇઝરાયલ સાથે સાયબર સુરક્ષા ક્ષેત્રે સહયોગ વધારવાનો નિર્ણય તાજેતરના યુદ્ધ અને સાયબર હુમલાઓની પરિસ્થિતિને ધ્યાનમાં રાખીને લેવાયો છે.
ઇઝરાયલની સાયબર ક્ષમતાઓએ ઇરાન તરફથી થયેલા મોટાં સાયબર હુમલાઓને નિષ્ફળ બનાવવામાં મહત્વપૂર્ણ ભૂમિકા ભજવી છે. આ અનુભવો જર્મની માટે ખૂબ ઉપયોગી સાબિત થઇ શકે છે.
