Disaster alert:બ્રિટનમાં 2 દિવસ સુધી ખતરનાક વાવાઝોડું ત્રાટકશે. આ માટે ત્યાંના હવામાન વિભાગે મોટું એલર્ટ જાહેર કર્યું છે.
Disaster alert:આ એલર્ટમાં થોડા કલાકોમાં 70 મીમી સુધી વરસાદની સંભાવના છે. તેમજ 500KMની ઝડપે તોફાની પવન ફૂંકાય તેવી શક્યતા છે.
ભારતમાં હવામાન ખરાબ છે એટલું જ નહીં, હવે બ્રિટનમાં પણ ખરાબ હવામાન અંગે ચેતવણી જારી કરવામાં આવી છે. હવામાન વિભાગે બ્રિટનમાં તોફાન અને અતિવૃષ્ટિના કારણે ‘જીવન માટે જોખમી’ હવામાનને લઈને મુખ્ય ચેતવણી જારી કરી છે. હવામાન વિભાગે શનિવાર માટે યલો એલર્ટ જાહેર કર્યું છે. આ એલર્ટમાં થોડા કલાકોમાં 70 મીમી સુધી વરસાદની સંભાવના છે.
સમગ્ર વેલ્સ અને દક્ષિણ-પશ્ચિમ ઇંગ્લેન્ડના કેટલાક ભાગો, મિડલેન્ડ્સ અને દક્ષિણ-પૂર્વ ઇંગ્લેન્ડ માટે શનિવારની ચેતવણી જારી કરવામાં આવી છે. શુક્રવારની ચેતવણી મોટાભાગના દક્ષિણ-પશ્ચિમ ઈંગ્લેન્ડ, વેલ્સના ભાગો, મિડલેન્ડ્સ અને પશ્ચિમ લંડન માટે જારી કરવામાં આવી હતી.
તોફાન 500KMની ઝડપે આવશે.
હવામાન વિભાગના અનુમાન મુજબ, તોફાનથી પ્રભાવિત વિસ્તારોમાં 500 કિલોમીટરથી વધુની ઝડપે તોફાની પવનો, વીજળી અને ભારે વરસાદને કારણે ઇમારતોને નુકસાન, જાહેર પરિવહનમાં વિક્ષેપ અને પૂર આવવાની સંભાવના છે. આ સમય દરમિયાન, વેલ્સ, દક્ષિણ-પશ્ચિમ ઇંગ્લેન્ડ, મિડલેન્ડ્સ અને દક્ષિણ-પૂર્વ ઇંગ્લેન્ડના ભાગોમાં રહેતા લોકોએ સાવચેત રહેવું પડશે, કારણ કે કરા અને વારંવાર વીજળી સાથે તોફાની પવન અને ભારે વરસાદની સંભાવના છે.
સોમવારે પણ ચેતવણી જારી કરવામાં આવી શકે છે.
મેટ ઓફિસના મુખ્ય હવામાનશાસ્ત્રી જેસન કેલીએ કહ્યું: “આ ચેતવણીઓ દેશના એવા વિસ્તારોને આવરી લે છે જ્યાં વાવાઝોડાનું સૌથી વધુ જોખમ છે.” મેટ ઓફિસના નાયબ મુખ્ય હવામાનશાસ્ત્રી ડેન હેરિસે જણાવ્યું હતું કે ભીનું હવામાન આગામી સપ્તાહ સુધી ચાલુ રહેવાની ધારણા છે અને આગાહીકારો સોમવાર માટે બીજી ચેતવણી જારી કરવાનું વિચારી રહ્યા છે.
