Doomsday Fish: પૃથ્વી પર આવી રહી છે આપત્તિ! કયામતની માછલી વેદનામાં સમુદ્રમાંથી બહાર આવી,કિનારે તોડ્યો દમ
Doomsday Fish: એક દુર્લભ ઓરફિશ કેનરી દ્વીપ પર જોવા મળી, જેને ‘પ્રલયની મચ્છી’ કહેવામાં આવે છે.
Doomsday Fish: કેનેરી ટાપુઓના સ્પેનિશ શહેર લાસ પાલમાસના બીચ પર એક દુર્લભ ડૂમ્સડે માછલી જોવા મળવાથી ચિંતા ફેલાઈ ગઈ છે. આ માછલી પીડાથી કણસતી દરિયા કિનારે આવી અને થોડા સમય પછી મરી ગઈ. સામાન્ય રીતે, આ પ્રજાતિની ઓરફિશ સમુદ્રના ઊંડા ભાગોમાં રહે છે અને તેને દરિયાકિનારાની નજીક જોવા મળવી અસામાન્ય છે. ઘણી માન્યતાઓ અનુસાર, જ્યારે પણ આ માછલી સમુદ્રમાંથી બહાર આવે છે, ત્યારે તેને કોઈ મોટા ખતરાની ચેતવણી માનવામાં આવે છે. આ પહેલા પણ જ્યારે આ માછલી દરિયા કિનારે આવે છે ત્યારે ભૂકંપની ઘટનાઓ જોવા મળી છે.
સોશિયલ મિડીયામાં વાયરલ થઈ રહ્યો વીડિયો
આરટી ઇન્ડિયાએ સોશિયલ મીડિયા પ્લેટફોર્મ X પર એક વીડિયો શેર કર્યો છે, જેમાં સમુદ્રમાંથી એક ઓરફિશ બહાર આવતી દેખાય છે. તેનો આકાર અને રચના અન્ય માછલીઓ કરતા તદ્દન અલગ હતી. માછલી દરિયામાંથી બહાર આવતાની સાથે જ થોડીક સેકન્ડોમાં મરી ગઈ. કિનારા પર ઊભેલા એક માણસ માછલીને પાછી દરિયામાં છોડી દેવાનો પ્રયાસ કરે છે, પરંતુ તે તેને બચાવી શક્યો નહીં. આ માછલીનું માથું ખાસ કરીને નાના લાલ હાડકાથી શણગારેલું છે, જે તેના અનોખા દેખાવને વધુ રસપ્રદ બનાવે છે.
https://twitter.com/RT_India_news/status/1892090933845401858?ref_src=twsrc%5Etfw%7Ctwcamp%5Etweetembed%7Ctwterm%5E1892090933845401858%7Ctwgr%5E0e551493a31b39e2a6396ceb3e07cdff4efa1c6c%7Ctwcon%5Es1_&ref_url=https%3A%2F%2Fwww.abplive.com%2Fnews%2Fworld%2Frare-oarfish-associated-with-myths-predicting-natural-disasters-has-washed-up-beach-canary-islands-2887768
કીંડવંતીઓ અને લોકકથાઓ
જાપાની લોકવાયકાઓમાં, તેને આપત્તિનું પ્રતીક માનવામાં આવે છે. 2011ના ફુકુશિમા ભૂકંપ પહેલા પણ દરિયા કિનારે એક ઓરફિશ જોવા મળી હોવાનું કહેવાય છે. ગયા વર્ષે, અમેરિકાના કેલિફોર્નિયામાં પણ સમુદ્રમાંથી એક ઓરફિશ બહાર આવી હતી, અને ત્યારબાદ લોસ એન્જલસમાં ભૂકંપ આવ્યો હતો. જોકે, વૈજ્ઞાનિકો આ માન્યતાઓને નકારી કાઢે છે અને માને છે કે આ માછલી ઘણીવાર બીમારીને કારણે અથવા તેનો રસ્તો ખોવાઈ જવાને કારણે સમુદ્રની સપાટી પર આવે છે. તેનો શુભ કે અશુભ શુકન સાથે કોઈ સંબંધ નથી.
વૈજ્ઞાનિક દૃષ્ટિકોણ
વૈજ્ઞાનિકો માને છે કે ઓરફિશ ઊંડા સમુદ્રમાં રહે છે, અને ક્યારેક ક્યારેક જ્યારે તેઓ ખોવાઈ જાય છે અથવા બીમાર પડે છે ત્યારે સપાટી પર આવે છે. આ પ્રક્રિયા દરમિયાન, તેઓ મૃત્યુ પામે છે, જે ફક્ત એક કુદરતી ઘટના છે.
